وقد وصل التاج
من
د خبيب , م/ ابن تيمية (بخرف , ا/ اسامة مرسى
شكرا جزيلا ولكن ربنا يسطر مش عارفة حسة انها اسئلة صعبة جدا
بس عموما هحاول اجاوب عليها
قالوا لك اختار عصر من عصور مصر علشان تعيش فيه تختار أى عصر وفى عهد أى حاكم .. واشمعنى ؟
انا اشايفة انى دى افضل عصر اعيش فيه كبنت عايزة تتعلم وتتثقف وتطور من نفسها
وده مش متوافر فى اى عصر تانى
أول أولوية فى حياتك عيلتك ولا شغلك ولا اصحابك؟
هى عيلتى طبعا بس دائما بحس انى مقصرة فى حقهم
ايه أكتر حاجة بتحبها فى رمضان ؟
ليلة 27 رمضان وليلة الوقفة
اوصف أجمل فطار ممكن تفطره؟
فى رمضان اجمل فطار فطرته فى المصرية بلازا عشان كنت مع اصحابى
لو انت حاكم على مجموعة من الأفراد حتكون عادل ؟ طب حتتأكد أزاى انك حاكم عادل ؟؟
هدعى ربنا انى اعدل ما بينهم
هتاكد لما اشوفهم بيقدرونى فى غيابى زى وجودى
مين أكتر اعلامى مصرى بتحترمه ؟
بحترم منهم
منى الشاذلى
قنديل
عمرو اديب بس بضايق منه فى حاجات معينة
وطبعا ابراهيم عيسى
ومذيع برنامج زيارة خاصة على الجزيرة بس مش فاكرة اسمه
_______
لو ممكن تشتغل شغلانة تانية كنت تتمنى تبقى ايه ؟؟
معدة برامج دينية وحوارية
مراسلة فى قناة الجزيرة
مديرة ادارة الموارد البشرية فى شركة كبيرة
_______________
ايه تانى بلد تتمنى تعيش فيها بعد مصر ؟؟
دبى
ويكون عندى شقة فى المدينة
___________
اوصف ترتيبات اجمل فرح ممكن تحضره ؟
فرح اسلامى بس فى قاعةويغنى فيه
مصطفى محمود ومعز مسعود
_____________
بتراعى كلام الناس والقيل والقال ؟؟ ولو اه او لا قول ليه ؟
بصراحة شوية
بس مش على طول ومش فى كل حاجة
_______________
صحيت من النوم ملقتش الموبايل ولا الكمبيوتر ولا الكاميرا الديجيتال ورجعنا لعصر الحمام الزاجل والحصنة هتكون سعيد ؟
بصراحة لأ خالص
ما قدرش اعيش
___________
السعادة هى ..؟
دى بقى عايزة كلام كتير
اوله لما علاقتى بربنا تكون كويسة واحس انه راضى عنى
ولما انجح فى حياتى واحس انى بزود شىء فى الحياه
ولما اشوف ابتسامة امى واحس انها مبسوطة
وحاجات كتيييييييييييييييير
___________
لما بتحب تهرب من كل شئ بتروح فين ؟؟
لو انا برا البيت بروح المسجد
او بروح الجنينة اللى فى الجامعة واقعد لوحدى واكتب
لاما بقعد على النت
او اروح العب مع بنات اختى
____________
امتى اول مرة خدت فيها نفس طويل وقلت ياااه انا فعلا كبرت ؟؟
لما تميت عشرين سنة
ولما بقيت فى ليسانس كلية
_________________
بتشرب سجاير ؟؟ وايه شعورك اما ست او راجل بيشرب سجاير ؟ ليه ؟
اكيد لا
بشعر بانهم لو عايزين يبطلوها كانوا بطلوها....... موضوع ارادة يعنى
___________________
بتعرف ايدك اليمين من الشمال ازاى ؟؟
ايدى اليمين اللى بمسك بيها الماوس
________________
ايه اكتر موسيقى بتحبها ؟
موسيقى الاطفال
________________
فى رأيك ليه الذوق والنخوة اتعدموا ؟
لاننا مش فهمينا جوهر الاسلام صح
انا فعلا بعانى من موضوع الذوق ده الناس كلها ما بقاش عندهم ذوق
____________________
ايه الحاجة اللى لو حصلت لك حتبقى سعيد اوى
حاجات كتير اوى
________________________
تحب يبقى عندك ارض زراعية ولااجنس عربيات ولاكام عمارة ولافلوس فى البنك ؟
لأ كام عمارة
ويبقى عندى شقة فى كل عمارة منهم لانى بحب التغيير جدا
_____________
البحر ولا النيل ؟
بصراحة الاتنين بموت فيهم
______________
مركب ولا طيارة ؟
مركب وطيارة
_______________
مجنون ولا عاقل ؟
مجنونة جدا جدا جدا
_________
تقرا كتاب ولا تتفرج على فيلم ؟
لو فيلم وثائقى على قناة الجزيرة اوك
لكن غير كدة يبقى كتاب بس يكون شيق
_________
تمرر التاج ده لمين ؟
مروة جمعة
العسكرى عتريس
مصر من تانى
امير الهدوء
طال الليل
14 comments:
أنا أول تعلييييييق
إزيك يا بذرة أملنا
نورتى عالم التدوين وماشاء الله مدونتك جميلة وربنا يباركلك فيها
وأجوبتك على التاج
بسيطة ولذيذة
ربنا يوفقك إن شاء الله
زهراء
ياااااه بقاالي كتييير مزورتش المدونه المتميزه بتاعت حضرتك
معلش امتحنات
ـــــــــ
ما شاء الله اجابات ممتميزه
بس حضرتك قولتي ازاى بتعرفي ايدك اليمين
ومقولتيش ازاى بتعرفي ايدك الشماال
:)
اجااابااات راائعه
فزلوكة
بجد بجد نورتى المدونة
شكرا ياقمر على ردك الجميل
وربنا يبارك فيكى
استاذ محمد
ربنا يعين حضرتك على الامتحانات
وجزاك الله خيرا على الرد
نسيت امرر التاج على فزلوكة كمان
يالا تدبيسة يازهراء
أسئلة وإجابات خفيفة ولذيذة وبتساعد أكتر فى التعرف على شخصية صاحب المدونة ..
بس عذرا يعنى .. أصلى جدبد على التدوين ومش عارف ايه حكاية التاج اللى كل ما ادخل مدونة ألاقيه ويتمرر لمدونات تاني..
ممكن افهم ايه السيستم ده ومعنى تمرير التاج ايه ؟؟
طيب ولما الكمبيوتر بيبوظ ، بتعرفيهم من بعض ازاي ؟
ebn_egybt
الحكاية ببساطة
زى حوار اسئلته ثابته
بتجاوب عليه
وترشح مدونات عندك هى كمان تجاوب عليه
الهدف منه على ما اعتقد لانى لحد الان ما اعرفشى مين صاحب الفكرة
هو التعرف على اتجاه تفكير صاحب المدونة
يا دكتور خبيب
لما الكمبيوتر يبوظ ؟
هعرفهم من بعض ازااااااااااااى ؟
ايدى المين هى اللى بأكل بيها
وايدى الشمال بمسك بيها الرموت
اوعى تقول لما التليفزيون يبوظ هعمل ايه ؟
السلام عليكم تدوينة راااائعة
..معذرة علي التطفل دي أول مرة بازور فيها المدونة
جزاكم الله خيرا .
طبعاأنا هأضيفها عندي بعد اذنك
صباح الورد يا بذرة أملي ..يا نسمة في حياتي ..يا كتكوتة _بحس انك حاجة كتاكيتو كده!- التاج جميل وردودك حلوة ....يا سلام الريموت ..عجبني رد د.خبيب عليكِ ههههههه لا يا بذرة لما التلفزيون يبوظ هتمسكي الريموت وتمثلي انك بتتفرجي بسيطة اهو!..ربنا يوفقك ويحقق أمانيكِ آمين يارب
تحياتي
هههههههههههه
شكرا على تمرير التاج
بس حكاية شقه في كل عمارة دي صغبة شوية
السلام عليكم اجابات طيبه ربنا يبارك جهدكم اللهم آمين أتمنى زيارة مدونتىhttp://mesh3arief.blogspot.com/ رسالة إلى شباب مصر .... ساعدونا فى نشرها ياشباب
أحمد السيد عبد الحميد
جزاكم الله خيرا على الإجابة عن التاج
وأحييكي على الاجابات المتميزة..........جدا
ازسكم يايها المدونون
اسفة جدا على على تاخير الرد
جزاكم الله خيرا يا
مروة جمعة ......انتى دايما كدة رافعة معنوياتى
العسكرى عتريس
ده نونع من انواع التغيير بس المهم انهم يكونوا فى اماكن مختلفة
مش عارف موضوعك مميز جدا
اسامة مرسى
الله يكرمك يا فندم
Post a Comment