قررت اكتب

قررت اكتب ........


قررت اكتب عن حاجة ما اعرفش ايه هى
جوايا برضه حاجة لكنها مستخبية
!! انا لازم اعبر عن حاجة عايشة فيا
طب ايه هى الحاجة دية ؟
ما هو ده اللى انا عايزة اعرفه من نفسى الخيبة دية ؟
خيبة !!!!!!!!!! ايوة خيبة ........
ايه الكلمة دية؟
صدقينى لما اقولك خايبة يبقى اكيد مش هكدب عليا
تعرفى الخيابة ايه هى ؟
هى انى دماغى لفة ومش عارفة راسى من رجلية
ولما اجى افكر الاقى ادامى مائة حاجة مستنية
لكنى اعمل ايه كان على عنيا
كنت فاكرة لما هاجى اتخرج من الكلية ...
.. هلاقى الدنيا احلوت فى عنيه والفلوس باقت بتجرى فى ايدية
. فلوس هو انتى بتفكرى فى فلوس ؟
هقولك لا .... ما انا نفسى اصرف من غير ما اقول لحد هات دى حتة عيب فى حق واحدة لساها متخرجة من الكلية
اه يانفوخى
تعرفى........ محتاجة اطير يومين على اسكندرية ..
واقعد على البحر واغمض عنيه واركب الحنطور على الكورنيش واروح المنشية
تعرفى محتاجة ايه كمان؟
محتاجة ايه ؟؟؟؟؟؟
نفسى اشتغل شغلانة مناسبة مع نفسيتى وشخصيتى المائية
والاقى نفسى فيها بتطور واتقدم واتعلم وتبقى خبرة كبيرة تضيف لى فى حياتى العملية
تعرفى عايزة ايه كمان ؟
يااااااااااااااااااااا حاجات كتير خليها للمرة اللى جاية
ان كان فى العمر بقية

حتى لا يطير الرجال ....خارج البلاد

1/تركونى وحيدة

اتصلت بى تليفونيا وبشرتنى بموعد زفافها وطلبت منى ان أكون معها منذ الصباح فى الكوافير

ذهبت اليها متأخرة كانت قد اقتربت من الانتهاء . وجدتها شبه القمر بحجابها الابيض وفستانها المنقوش

ولكننى وجدت فى عينيها نظرة حزن علمت سببها عندما سمعتها تطلب من صديقتنا تصويرها حتى ترسل

صورتها الى اخويها الأثنين . ثم نظرت الى وقالت ( اخواتى الولاد ما حضروش خطوبتى وادى النهاردة كمان مش هيحضروا فرحى دول حتى ما شوفوش العريس ) ثم اوشكت الدمعة ان تخرج من عينيها .

2 /ذهب ولم يعد

سافر الى دولة من دول الخليج وهو فى العشرينات من عمره . كان اصغر أخوانه كان حلمه ان يقف بجانب اخوانه ويبنى لهم بيتا يجمعهما سويا وان يرزقه الله بزوجة صالحة .

أقام فى هذه الدولة عدة سنوات كان خلال هذه الفترة يقوم بأرسال مبالغ مالية الى والدته وحقق حلمه الاول

وهو شراء منزل كبير يجمعه هو واخوانه ولكن .......... بعد ان وصله خبر اتمام عقد شراء البيت مباشرة

بدأ يشعر بأوجاع شديدة وبعد ذهابه الى المستشفى علم انه قد أصاب بمرض خطير أرسل الى اهله انه يعانى من تعب شديد فطلبوا منه ان يرجع سريعا ولكن ....... كانت ارادة الله فوق كل شىء توفى وحيدا فى بلد غريبة وسط اناس غرباء

3 / وحشتنى اوى يابابى

دخلت عليها فى غرفتها كانت جالسة على سريرها الصغير رأسها بين رجليها .......... مالك فى ايه ؟ خير ؟ زهقانة كدة ليه ؟ انتى لسة ما تمتيش 7 سنين عشان

نفسيتك تتعب وتقعدى القاعدة دى ........ مالك بس ؟ امال احنا نعمل ايه بس ؟ فى بداية الامر كنت قد سخرت من احساسها ولكننى

حقا جهلت شعورها ..... حاولت ان أكون جادة فى كلامى وان احاول الوصول الى سبب كل هذا الحزن

مالك بجد ؟ قوليلى ياروح قلب خالته ؟ .......... بابى ياخالته واحشنى أوى نفسى أشوفه.وبعدين هو تعبان أوى

هو قال كدة لما اتصل قال انه مش بيشتغل عشان تعبان . وانا المفروض اكون جنبه دلوقتى .

انا زعلانة أوى .. نفس اقعد معاه على طول مش اشوفه كل فين وفين ..انا بحب بابى اوى ياخالته

عشان هو بيلعب معايا ومش بيخلينى عايزة حاجة ........اوشكت الدموع ان تنزل من عينيها الصغيرتين

حاولت ان اخفف عليها الامها ولكن للأسف الشديد لم أجد الرد المناسب لكى أفسر لها سبب بعدها عن ابيها

اسئلة لكل المدونين

أسئلة لكل المدونين والمدونات

السؤال الأول :

بتقرأ الايام دى؟ ولو بتقرأ بتقرأ حوالى اد ايه فى اليوم ؟ وايه اكتر حاجة بتقرأها ؟

السؤال التانى :

هل بتحب ان حد من اسرتك او عائلتلك يقرأ مدونتك ويتصفح فيها ؟ ولا ما بتحبش ان حد يقرا اللى بتكتبه

السؤال الثالث:

نسبة الفائدة اللى بتحصل عليها من النت حوالى كام فى المائة من النسبة اللى انت عايزها ؟ وهل هى نسبة مرضية بالنسبة لك؟
ياريت استقبل اجابتكم اعتقد انها هتكون مفيدة لينا كلنا

د / عبد الوهاب المسيرى

فى ذمة الله

كنت جالسة أبحث عن شىء مفيد على شاشات التلفاز
وجدته يحاور احمد المسلمانى فى الطبعة الاولى
كانت تلك أول مرة استمع له فيها فقد كان اسمه يمر على أذنى كثيرا ولكننى للاسف الشديد لم أتابعه قبل هذا اليوم

كان حوار شيق ومفيد جدا
اعجبنى أسلوبه فى الكلام
كم هو أسلوب عميق ومبسط ينبع عن شخص ثرى الفكر
ولا عجب من ان ينعته جميع المثقفين ب ( المفكر )
لانه حقا كان رجلا مفكرا
فصفة مفكر تحمل فى طياتها صفات أخرى كالناقد والباحث والمؤلف
نعم فهو كان كل هذا
رحمه الله
ابهرتنى مجموعة الكتب التى قام بتأليفها وتعجبت كثيرا عندما علمت أن دراست الاكاديمية كانت فى الأدب الانجليزى وليس التاريخ
وسعدت ايضا عندما اخبرتنى أحدى صديقاتى انه عضو مهم فى حزب الوسط وأنه لم ييأس من رفض الحكومة لهذا الحزب
كان شخصا أيجابيا ...أضاف الى المكتبة العربية كتبا لا غنى عنها ....... من المؤكد اننا جميعا فى أشد الأحتياج اليها
______________

لذلك فقد قررت ان اضيف موقعه الرسمى على الانترنت الى قائمة المواقع المفضلة لدى كى استزيد من علمه
ورأيت ان تشاركونى فى تصفح موقعه وقراءة مقالاته التى حتما ستضيف الينا الكثير

www.elmessiri.com

ادعو الله ان يرحمه ويغفر له ويجعل قبره روضه من رياض الجنة

سن الرشد

عيد ميلاد الليلة ميييييييييين ؟؟؟؟؟؟؟؟؟؟؟؟؟؟؟؟؟؟

فى أحد أيام عام
1987
وبالتحديد يوم 1/7
ظهرت بذرة امل جديدة فى حديقة الزقازيق
البذرة دى من يوم ما اتولدت وهى حلمها
تكبر وتبقى شجرة كبيرة
تفيد اللى حواليها ..... ويكون ليها دور فى الحديقة اللى هى موجودة فيها
ومش بس كدة فى الحدائق المجاورة كمان


النهاردة الحمد لله
بذرة امل تمت سن الرشد
21
عاما بالتمام والكمال

بسرعة كدة ... حاجة غريبة ....هو العمر بيجرى ليه كدة بسرعة ؟
المهم دلوقتى
المطلوب من كل المدونين والمدونات
انهم يدعولها كتييييييييييييييير
ان السنة دى تكون كلها طاعة
وخير وسعادة