المولد

المولد

كعادتى منذ صغرى . استيقظ مبكرا....اريد ان أرى العالم من حولى ... ماذا حدث فيه

كنت فى سن العاشرة او ما يقرب من الحادية عشر .لم يكن لدينا دش ولا نت ولا اى شىء من هذا القبيل سوى تلفاز كئيب يبث القناه الاولى والثانية

وقفت فى البالكونة ونظرت منها وجدت اشيائا غريبه قد حدثت . لافتات قماش تملىء الشارع من أوله لأخره. وكأن الحكومة قررت تقديم موعد الأنتخابات . سألت ماما هو احنا بقينا فى شهر ايه . قالت لى تقريبا شهر سبعه

تذكرت حينها ان فى مثل هذا الوقت يقام سنويا مولد ابو خليل

هيه . هيه . هيه . هناكل حمص وبابا هيشتريللى طبلة وعقد وغوايش

طرق اخى الباب رافعا صوته ..... ماما ماما شوفت يسرا وعلاء ولى الدين عند الشيخ صالح

ارد انا بدهشة .بجد والله العظيم ؟ انا كمان عايزة اشوفهم .. خدنى معاك

يرد عليا ويقوللى اقعدى بلاش هبل . فعلا كان العبط سوف ينط من عينى ( ايه يعنى وكأنى هشوف الشيخ الشعراوى

يستكمل حديثه لى ....دول بيقولوا كمان عادل امام جوا ..تعرفى كمان عدد السيارات اللى واقفة عند بيت الشيخ صالح كبيرة جدا

من فنانين ومطربين ورجال اعمال واعضاء مجلس شعب

طرحت عليه سؤال اعلم تماما انه لم يعرف اجابته . قوللى بقى ياوليد هما ليه الناس دى بتيجى للشيخ صالح؟

قاللى مش عارف ؛؛؛؛؛؛؛؛؛؛ ولا حد اصلا عارف

ناس بتقول بيعملهم عمل وبيشوفلهم البخت

وناس بتقول بيحللهم مشاكلهم وناس بتقول بيخلصلهم مصالحهم وما حدش عارف ليه بالظبط ؛

فى المساء

ياربى ياربى مش عارفة انام صوت عالى صوت عالى اوى

اقف فى البالكونة لأستمع من اين ياتى هذا الصوت

الله الله الله حى الله الله الله حى

اها دول صوت الناس الصوفيين اجروا شقة فى شارعنا عشان يباتوا فيها

ما شاء الله يعنى ما فيش نوم لمدة اسبوع

اخر يوم فى المولد بعد العصر

قوات الامن تقف على اول الشارع واخره

خير اللهم اجعله خير مين هيعتقل فى شارعنا

ترد علينا جارتنا الواقفة فى الشباك منذ 15 سنة .......خبرة يعنى

ده الشيخ صالح ابو خليل عقبال عندك جاى عندنا الشارع عشان يزور الناس اللى فى الشقة

معقوللة للدرجة دى

اقف مع صديقاتى انتظر مجىء هذا الشيخ المبارك

نرى من بعيد سيارة مرسيدس سوداء وخلفها اكثر من سيارة تحرسها

تقف السيارة المرسيدس ويخرج منها السائق ليفتح باب السيارة الخلفى ليخرج الشيخ صالح

واذ بجميع الواقفين يتسارعون ليقبلوا يديه واحدا تلو الاخر

وهو لا يبالى بهذا وكأنه مبسوط بذلك لا يحاول ان يسحب يده من تحت افواههم

وكانه مبسوط بذلك جدا

كل ذلك وانا واقفة اشاهد واتابع بشدة

واطرح على نفسى مجموعة من الاسئلة

من هذا الرجل الذى يأتى اليه الناس من جميع انحاء مصر؟

من هؤلاء الناس الذين يتركون اعمالهم ويجلسون هنا لمدة اسبوع كامل لتباركوا بقبلة على يد الشيخ صالح

وهل هذا من الاسلام ؟

ما كل هذه الاموال التى تبذل لهذا المولد

...يافتات بتتعلق شقق بتتأجر

وأكل كل يوم لأكتر من الف واحد

وحفلات ليلية يحيها اشهر الفنانين زى

محمد الحلو والكحلاوى

هل ده من الاسلام ؟

وهل هى دى الصورة اللى المفروض نظهر فيها كمسلمين؟

ومهما كان الشخص ده مين

هل يجوز اننا نبجله للدرجة دى

اشياء كثير كانت تدور فى عقلى

ولكننى تركت الاجابة عليها

لحد لما كبرت رغم انى تركت المكان وبعدت عن الاحداث

بس الحمد لله تقريبا عرفت الاجابة

لكنى اللى مستغرباله هى ليه الدولة بتحب الناس دى اوى كدة ؟

وبتقف جنبها وتقريبا حطينهم فوق راسهم وموفرة ليهم افضل السبل

رغم ان اللى بيحصل ده ما لوش علاقة بالتقدم

بالعكس ده بيهدم اكثر ما بيطور

فعلا فعلا

فى اشياء غريبة جدا

بتحصل فى بلدنا تحت مسمى التراث الاسلامى

ولكن اسلامنا بعيد عنها كل البعد

ياريت اسمع رأيكم فى الموضوع ده

يوم من عمرى

قليلة هى الايام التى يتذكرها الانسان فى حياته

ويتأثر بها وتترك اثارها على حياته ....

امس كان بالنسبة لى يوم تاريخى

حققت فيه حلم من احلامى

وهو رؤية استاذى العزيز أ / عمرو خالد الذى طالما يبث فيا الأمل من جديد

ذهبت انا وفريقى الغالى جدا عليا ( حماة المستقبل الشرقية

الى القاهرة لحضور الحفل الختامى لحملة حماية

وتقابلنا مع باقى فرق حماة المستقبل وصناع الحياه فى المحافظات الاخرى

كنا نتعانق ونتحدث وكأننا عشرة سنين

على الرغم من رؤيتى لهم اول مرة

كم كنت مشتاقة الى هذا اليوم

جلسنا مع بعض ننتظر مجىء الاتوبيس الذى سوف يذهب بنا الى مكان الاحتفال

تحدثنا فى كل حاجة عن البلد

السياسة والاجتماع والصحة والمدونات والنت والفيس بوك

وطبعا اتكلمنا عن حملة حماية

انا بصراحة بصراحة استفدت منهم كتيييييييييييييير

فعلا بنات مصر بمائة رجل

البنات ما شاء الله ثقافتهم عالية اوى وفكرهم كمان عالى وعندهم تحمل للمسئولية المجتمعية

وفعلا عايزين يخدموا الاسلام

_________________
2/ جاء الاتوبيس

وذهبنا الى مدرسة الجيل الجديد المقام فيها الحفل

وجلسنا ننتظر حضور استاذ عمرو

وبدأت الحفلة قبل حضوره بأيات من القران الكريم

وفجاة لاقيناه دخل وجلس على المنصة

انا طبعا اول ما شوفته فرحت جدا

ياااااااا ده عمرو خالد اللى غير فيا كتير من غير ما اشوفه

وكلنا وقفنا تحية له وكان باين فى عيونا السعادة

وقدم الحفل د احمد زعفان منسق حماة المستقبل فى الشرق الاوسط ....... شخصية لذيذة جدا

وقدم منسيقين الحملة فى الدول العربية الشقيقة

السعودية والاردن واليمن والجزائر والسودان وفلسطين

وقام استاذ عمرو يعلن عن ختام الحملة واتحدث عن نتائج الحملة

اد ايه كلامه بث فيا الامل كعادته طبعا بس المرة دى لها طعم مختلف

وخلص الحفل وقامت كل محافظة للتصوير معه

وكان من ضمنهم طبعا محافظة الشرقية

روحنا وسلمنا عليه وبص لينا وقالنا انتم محافظة ايه ؟

انا قولتله الشرقية

قال للراجل اللى بيصور صورة كمان ياعم دول شراقوة دول اللى عزمواالقطر

وضحكت اوى وقولتله استاذ عمرو ماما بتسلم عليك

ضحك وقاللى سلميللى على الست الوالدة

وبس

اليوم خلص

بس قبل ما نمشى من المسرح قررنا نسلم على اخواتنا الفلسطنين

استاذة عائشة جت من رام الله مخصوص عشان حفل الختام

وقفنا معاها شوية وعبرنا عن احساسنا بيهم واننا اد ايه حزنانين على اللى بيحصل

وحكيت لها على المظاهرات والمقاطعات اللى بنشارك فيها

وان ده جزء صغير جدا من اللى المفروض نعمله عشانهم

كانت مبسوطة جدا وقالتلى جملة حلوة اوى

احنا لما بنلاقيكم معانا وواقفين جنبينا ولما بنشوفكم بتعملوا مظاهرات لينا

احنا بنحس اننا مش لوحدينا .... بس طبعا قالتها بالفلسطينى

____________________

اد ايه استفدت من اليوم ده .......... وشوفت ان امتنا فيها خيييييييييير كبير

وشباب كتيييييييييييييير عايزين يخدموا الاسلام ومستعدين يضحوا

وما شاء الله كانت نسبة البنات فى الحفل اضعاف الشباب دى طبعا حاجة تشرفنا

ورجعنا من هناك وانا عندى بذرة أمل انى هقدر اساعد فى حاجة وهقدر اخدم الاسلام ولو بشىء يسير

ودعيت ربنا يغفر لنا اهمالنا وتصيرنا فى حق

ويرزقنا علما نافعا نخدم بيه الاسلام

يوم من عمرى

هذه بلاد لم تعد كبلادى

قصيده أين وجــــــــهُ بــــلادي لفاروق جويده

كم عشتُ أسألُ: أين وجــــــــهُ بــــلادي أين النخيلُ وأيـن دفءُ الــوادي

لاشيء يبدو في السَّمـَــاءِ أمـامنــــــــــاغيرُ الظـلام ِوصــورةِ الجــلاد

هو لا يغيبُ عن العيــــــــون ِكأنــــــــه قدرٌٌ .. كيوم ِ البعــثِ والميــــلادِقـَدْ عِشْتُ أصْــــرُخُ بَينـَكـُمْ وأنـَـــــادي

أبْنِي قـُصُورًا مِنْ تِـلال ِ رَمَـــادِأ أهْفـُـو لأرْض ٍلا تـُسـَـــاومُ فـَرْحَتـِــــي لا تـَسْتِبيحُ كـَرَامَتِي .. وَعِنَــادِي

أشْتـَـاقُ أطـْفـَـــــالا ً كـَحَبــَّاتِ النـَّــــدَي

يتـَرَاقصُونَ مَـعَ الصَّبَاح ِالنـَّادِي

أهْـــفـُــــو لأيـَّـام ٍتـَـوَارَي سِحْــرُهَـــــاصَخَبِ الجـِيادِ..

وَفرْحَةِ الأعْيادِاشْتـَقـْــــتُ يوْمـًا أنْ تـَعـُــودَ بــِــــلادِي

غابَتْ وَغِبْنـَا .. وَانـْتهَتْ ببعَادِي

فِي كـُلِّ نَجْــم ٍ ضَــلَّ حُلـْـــٌم ضَائـِـــــع

ٌوَسَحَابَــة ٌ لـَبسـَـتْ ثيــَـابَ حِدَادِ

وَعَلـَي الـْمَدَي أسْـرَابُ طـَيــر ٍرَاحِــــل ٍنـَسِي الغِنَاءَ

فصَارَ سِـْربَ جَرَادِ

هَذِي بِلادٌ تـَاجَـــرَتْ فــِـي عِرْضِهـــَــا

وَتـَفـَـرَّقـَتْ شِيعًا بـِكـُـــلِّ مَـــزَادِ

لـَمْ يبْقَ مِنْ صَخَبِ الـِجيادِ سِوَي الأسَي

تـَاريخُ هَذِي الأرْضِ بَعْضُ جِيادِفِي كـُلِّ رُكـْن ٍمِنْ رُبــُــوع بـِـــــلادِي

تـَبْدُو أمَامِي صـُورَة ُالجــَــــلاد

ِلـَمَحُوهُ مِنْ زَمَن

ٍ يضَاجـِــعُ أرْضَهَـــاحَمَلـَتْ سِفـَاحًا فـَاسْتبَاحَ الـوَادِي

لـَمْ يبْقَ غَيرُ صـُـرَاخ ِ أمـْــس ٍ رَاحـِـل ٍوَمَقـَابـِر ٍ سَئِمَتْ مـِــنَ الأجْـــدَادِوَعِصَابَةٍ

سَرَقـَتْ نـَزيــفَ عُيـُـونِنـَــــابـِالقـَهْر ِ والتـَّدْليـِس ِ.. والأحْقـَادِ

مَا عَادَ فِيهَا ضَوْءُ نـَجْــــم ٍ شـَــــــاردٍ

مَا عَادَ فِيها صَوْتُ طـَير ٍشـَـــادِتـَمْضِي بـِنـَا الأحْزَانُ

سَاخِــــرَة ًبـِنـَــاوَتـَزُورُنـَا دَوْمــًا بـِـلا مِيعــَـــادِ

شَيءُ تـَكـَسَّرَ فِي عُيونـِــــي بَعْدَمَـــــاضَاقَ الزَّمَانُ بـِثـَوْرَتِي وَعِنَادِي

أحْبَبْتـُهَا حَتـَّي الثـُّمَالـَـــــة َ بَينـَمـَــــــابَاعَتْ صِبَاهَا الغـَضَّ للأوْغـَــادِ

لـَمْ يبْقَ فِيها غَيـرُ صُبْــح ٍكـَـــــــاذِب

ٍوَصُرَاخ ِأرْض ٍفي لـَظي اسْتِعْبَادِ لا تـَسْألوُنـِي عَنْ دُمُـوع بــِــــــلادِي

عَنْ حُزْنِهَا فِي لحْظةِ اسْتِشْهَادِي

فِي كـُلِّ شِبْر ٍ مِنْ ثـَرَاهـَا صَــرْخَـــة ٌكـَانـَتْ تـُهَرْولُ خـَلـْفـَنـَا وتـُنَادِي

الأفـْقُ يصْغُرُ .. والسَّمَــاءُ كـَئِيبـَـة ٌخـَلـْفَ الغُيوم

ِأرَي جـِبَالَ سَـوَادِ تـَتـَلاطـَمُ الأمْوَاجُ فـَــوْقَ رُؤُوسِنـَــــــاوالرَّيحُ تـُلـْقِي للصُّخُور ِعَتـَادِي

نَامَتْ عَلـَي الأفـُق البَعِيـــدِ مَلامــــــحٌوَتـَجَمَّدَتْ بَينَ الصَّقِيـِع أيـــَـــادِ

وَرَفـَعْتُ كـَفـِّي قـَدْ يرَانـِي عَاِبـــــــــرٌفرَأيتُ أمِّي فِي ثِيـَــابِ حـِـــــدَادِ

أجْسَادُنـَا كـَانـَتْ تـُعَانـِـــقُ بَعْضَهـَــــاكـَوَدَاع ِ أحْبَــابٍ بــِــلا مِيعـَــادِ

البَحْرُ لـَمْ يرْحَمْ بَـرَاءَة َعُمْرنـَـــــــــاتـَتـَزاحَمُ الأجْسَادُ

.. فِي الأجْسَادِ

حَتـَّي الشَّهَادَة ُرَاوَغـَتـْنــِي لـَحْظـَــة

ًوَاستيقـَظـَتْ فجْرًا أضَاءَ فـُؤَادي

هَذا قـَمِيـصـِـــي فِيهِ وَجْــــهُ بُنـَيتــِي وَدُعَاءُ أمي .

."كِيسُ"مِلـْح ٍزَادِي رُدُّوا إلي أمِّي القـَمِيـــصَ

فـَقـَـدْ رَأتْ مَالا أرَي منْ غـُرْبَتِي وَمُـرَادِ ي

وَطـَنٌ بَخِيلٌ بَاعَنــي فـــــي غفلـــــةٍ

حِينَ اشْترتـْهُ عِصَابَة ُالإفـْسَـــادِ شَاهَدْتُ

مِنْ خـَلـْفِ الحُدُودِ مَوَاكِبــًـاللجُوع ِتصْرُخُ فِي حِمَي الأسْيادِ

كـَانـَتْ حُشُودُ المَوْتِ تـَمْرَحُ حَوْلـَنـَاوَالـْعُمْرُ يبْكِي ..

وَالـْحَنِينُ ينَادِي مَا بَينَ عُمْـــــر ٍ فـَرَّ مِنـِّي هَاربـــــًـاوَحِكايةٍ يزْهـُــو بـِهـَـــا أوْلادِي

عَنْ عَاشِق ٍهَجَرَ البـِلادَ وأهْلـَهـــــــَـــاوَمَضي وَرَاءَ المَال ِوالأمْجـَـــادِ

كـُلُّ الحِكـَايةِ أنَّهـــَـــا ضَاقـَتْ بـِنـَـــــاوَاسْتـَسْلـَمَتَ لِلــِّـصِّ والقـَـــوَّادِ!

في لـَحْظـَةٍ سَكـَنَ الوُجُودُ تـَنـَاثـَـــرَتْحَوْلِي مَرَايا المَوْتِ والمِيـَـــلادِ

قـَدْ كـَانَ آخِرَ مَا لـَمَحْتُ عـَلـَي الـْمَـدَي وَالنبْضُ يخْبوُ .. صُورَة ُالجـَلاد

ِقـَدْ كـَانَ يضْحَـكُ وَالعِصَابَة ُحَوْلـَــــــهُ

وَعَلي امْتِدَادِ النَّهْر يبْكِي الوَادِي وَصَرَخْتُ

..وَالـْكـَلِمَاتُ تهْرَبُ مِنْ فـَمِي:هَذِي بـِلادٌ .. لمْ تـَعُـــدْ كـَبـِلادى

فاروق جويده

كيف تتخلص من عيوبك ؟

كيف تتخلص من عيوبك الشخصية ؟

عندك عيب فى شخصيتك ؟

مخنوق من نفسك عشان العيب ده ؟

عارف كويس ان العيب ده هو اللى مأخرك عن تحقيق أهدافك ؟

كذا حد من المقربين ليك قالولك عليه وبرضه ما فيش فايدة ؟

زهقت وطهقت من نفسك عشان كل لما تصلحه يرجع يبوظ تانى ؟

يبقى خليك معانا دقيقة واحدة وركز فى الكلام اللى جاى

هدييك دلوقتى خطوات معينة (روشتة) تعملها عشان تتخلص من العيب اللى مزهقك ده ..

.بس ما تنساش تدعيلنا اول ما تتخلص منه

اول خطوه :

تحديد العيب المراد التخلص منه

ما ينفعشى يعنى تتخلص من حاجة انت اصلا ما تعرفهاشبليس لو سمحت ممكن تفتح نيو ورد او نيو تكست

وتكتب العيب ده بالتحديد وكبره اوووووووووووووووى وحطه فى نص الصفحة
تانى خطوة :

اسأل نفسك هل ده فعلا عيب ولا ممكن يكون ميزة

ساعات كتير بنشوف مميزاتنا عيوب وساعات كمان بنشوف عيوبنا مميزاتوده فى حد ذاته غلط

يعنى لو سمحت اكتب هو عيب ليه عشان ايه اطلقت عليه عيبمثال :عيب لانك بتاخذ عليه ذنوبيعنى حرام شرعاعيب لانه بيزعل الناس منك .. مثلا

عيب لانه بيخليك تفهم الناس غلطعيب لانه بيأخرك عن تحقيق اشياء عايز تحققها

وهكذا اكتب بقى هو عيب ليهطيب ممكن يكون العيب ده ميزة فى نفس الوقت او بتحتاجه فى بعض المواقفاكتب برضه هو ميزة ليه اوك
الخطوة الثالثة :

فكر فى عواقب استمرار هذا العيبب

بلييييييييييس فكر كدة لو العيب ده استمر فى شخصيتك طول حياتك ايه اللى ممكن يحصل مثلا : هيخلى ربنا يزعل منى وبالتالى طاعتك هتقل وهكذا اكتب بقى عواقب العيب ده واسرح براحتك فى القصص والمواقف اللى ممكن تقابلها بسببه
الخطوة الرابعة :

فكر فى مميزات التخلص من هذا العيب

بفكر كدة لو انت قدرت تتخلص من العيب ده ايه اللى ممكن يحصل احساسك الذاتى هيكون عامل أزاى ؟

علاقتك بربنا ؟؟؟

علاقتك بالناس ؟؟؟؟؟

تحقيق ما تريد ؟؟؟؟؟

بىلييييييييييييييييييسس اكتب كل حاجة
الخطوة الخامسة :

اكتب الحاجات اللى المفروض تتبعها للتخلص من هذا العيب

مثال

:التوبة

الدعاء : تدعى ربنا يعينك على نفسك ويخلصك منه

النمذجة

النقطة دى عايزة شوية تفصيل لكل عيب ميزة مضادة له .... مثال العصبية عكسها التحكم فى الغضب

انت بقى اعمل تبديل للعيب ده بالميزة المضادة له اوك ...

وهتجيب حد تعرفه بيمتاز بالميزة دى وتحلله وتسأله هو بيعملها ازاى وايه الخطوات اللى تتبعها عشان تكتسب الميزة دى لو ما تعرفوش حاول تجمع عنه معلوما ت وبكدة هتكون اكتسبت ميزة جديدة وانت شخصيتك زى ما هى مش اتغيرت بليييييييييييييييييييييييييس

اكتب الميزة المضادة ومين اكتر حد بيمتاز بيها
الخطوة الاخيرة :

خد عهد على نفسك انك تتخلص منه وتنفذ الخطوات

وياريت لو تقول لحد قريب منك انه يسالك كل يوم اخبار العيب الفلانى ايه ؟وقوله يرخم عليك كل يوم يسألك اخبار العيب ايه ؟وبس كدةنسيت اقول فى النهاية بليس الفايل اللى انت فتحته ما تمسحوش خليه متخزن عندك عشان لو نسيت ترجع تفتكر تانى

وبكدة نكون خلصنا موضوعنا النهاردة

اسيبكم بقى عشان اروح انا كمان اتخلص من عيوبى

by

بذرة امل

الناجح والفاشل

الفرق بين الناجح والفاشل

من وجهة نظرى

الناجح هو الشخص الذى يملك قوت عيشه

الفاشل هو الشخص الذى يعيش على حساب الاخرين

ا2/الناجح هو الشخص الذى يوجه مشاعره تجاه ما يريد

الفاشل هو الشخص الذى تغلبه مشاعره وتبعده عن ما يريد
ا3/الناجح هو الشخص الذى يعلم من هو واين هو وما الطريق الذى يريد السير فيه

الفاشل هو الشخص الذى لا يعلم عن نفسه شيئا فنفسه هى رأى الاخرين فيه ولا يعلم اين هو ؟ ولا يدرى ما الطريق الذى يريد السير فيه
4/الناجح هو الشخص الذى يعيش حاضره ويتعلم من ماضيه ويخطط لمستقبله

الفاشل هو الشخص الذى يعيش فى الماضى ويتخيل المستقبل ولا يقدر قيمة حاضره

ا 5/الناجح هو الشخص الذى يستطيع ان يسعد نفسه دون ان يغضب الآخرين

الفاشل هوالشخص الذى يخفق فى اسعاد نفسه واسعاد الاخريم

6/الناجح هو الشخص الذى يجعل من نفسه نورا يضىء كل مكان يذهب اليه

الفاشل هو الشخص الذى لم يزد فى مكانه شيئا

7/الناجح هو الذى يرى الحياه بنظارة رمادية
ليست بالمثالية ولا السوداوية
الفاشل من يرى الحياه اما بنظارة سوداء او بنظارة بلا عدسات

8/الناجح من جعل لكل شىء يقوم به معنى

الفاشل هو الشخص الذى لم يجد معنى لاى شىء يقوم به

9/الناجح هو الذى يعلم عواقب كل شىء اقدم على تنفيذه

الفاشل قد يعلم عواقب الشىء ولكنه يبيع المستقبل بلذة الحاضر

ظاهرة الكش

ظاهرة الكش

ظواهرها ..... اسبابها ......... وعلاجها

بادىء ذى بدء
يعنى ايه الكش : لغويا واصطلاحيا
لغويا : عند البحث فى المعجم وبالتحديد المعجم الوجيز ( اللى من كتر ما هو وجيز ما لاقتشى فيه ولا كلمة بحثت عنها)
كانت النتيجة
لا يوجد الفعل كش فى باب الكاف مع الشين
اصطلاحيا : عارفين كلنا ان الكش مصطلح يطلقه المصريون عندما يجدوا شيئا ما فى حالة اقل مما هو عليه كل مرة
اكيد طبعا بتسمعوا المصطلح ده كتير الايام دى
مثال ( العيش ماله كاشش كدة ليه )
_______________________-
ظواهرها :

اكشن اول مرة

لو انت طالب جامعة او طالبة جامعية
كان عندك محاضرة بدرى وصحيت متأخر ونزلت من غير فطار
وحضرت المحاضرة الاول
وافتكرت ان لسة فاضلك 3 محاضرات كمان وانت طبعا على لحم بطنك ولازم تفطر
تقرر ساعتها انك تدخل الكافيتريا وتطلب ساندوتش ( ايا كان نوعه)
طبعا فى الاول انت عارف ان السندوتشات اسعارها غليت جدا
فيجى فى بالك انهم اكيد هيكبروها عن الاول
تضحى وتدفع الفلوس وتشترى السندوتش اللى المفروض هو اللى هيديك طاقة تخليك تستحمل 3 محاضرات كمان
ده لو ما كنتش مشترك فى جمعية او فى اتحاد او اى اسرة يعنى كمان ممكن يكون فضلك اجتماع بعد المحاضرات
تاخد البون وتروح تاخد الساندوتش
اكيد طبعا ولابد هيكون نظرتك له نظرة تعجب وتملق واستفزار
واكيد كمان الجملة دى هتعدى على تفكيرك ( ماله بس طبق الفول وقرصين الطعمية بتوع الحاجة ساعة الصبحية )
تاكل وتخلص وتطلع بالظبط زى ما دخلت
ولا اكنك عملت حاجة ........... طبعا لازم بعدها تاخد قرار ......... ابقى مجنون لو دخلت الكافتريا دى تانى
______________________________________________
اكشن تانى مرة :
اول السيناريو اللى فات حصل
هتعمل ايه سهرت غصب عنك بلليل وصحيت متأخر تانى ولازم تلحق المحاضرة
مخك يوديك ويجيبك ......... ها اعمل انا كدة محتاج اركز عشان اكمل اليوم على خير
تعدى على الكافتريا وتشم ريحة الشاورما .......نفسك بتقولك ( اوعى يامجنون سندوتشات كاشة تانى حرام )
تقرر فى النهاية انك هتدخل بس المرة دى هتشترى بسكويت وتفتكر ساعة ما كنت بتجيب باكو بسكوت سنيوريتا وتاخد جنبه كوباية الشاى بتبقى مية مية ) واهو نوع من التجديد
تدخل تقول انا احسن لى اجيب باكو السنيوريتا على باكو لمبادة وعلى كيس شيبسى كروكيه عشان مش مقاطعة
تجيب السنيوريتا واللمبادا والكروكيه
وتفتحهم تكتشف ان وباء الكش لم يسلم شىء فى الكافتيريا منه
حتى سنييورتا بتاع زمان ياعينى عليه ولا لمبادا شاله نصه وحتى كروكيه بقوا حاطين فيه عينات لو عجبتك ما عليك الا انك تشترى كروكيه عائلى
وهكذا : تبدا المعاناه ......... تعترف لنفسك فى النهاية ان وباء الكش لم يسلم شىء منه
فتقرر اخيرا قرار لا رجعة فيه بعدم دخول الكافيتريا مرة اخرى ابد ابدا الا بعد زوال هذا الوباء الذى جزمت انه وباء قد لاينتهى
فى هذه الاحيان

_______________________________

اكشن تالت مرة ............... عند فرن العيش الفينو
اكشن رابع مرة .................فى طابور العيش البلدى
اكشن خامس مرة..............لو قررت تغير وتشترى أرص بالملبن او بالنوجه او حتى سادة
اكشن سادس مرة ............. لو فى اول الشهر وانت لسة قابض قررت تجيب بيتزا او كريب
اكشن سابع مرة .................... لو روحت تشترى فراخ من عند بتاع الفراخ ..... لا تتعجب فالفراخ فى بلدنا لا تعانى فقط من الانفلونزا
بل تعانى ايضا من هذا الوباء ( الكش ) الذى احاط بها وجعلها لا تختلف كثيرا عن شكل الكتكوت
وطبعا انتم اكيد لاحظتوا الظاهرة دى فى اكتر من مكان والامثلة كتيرة ما شاء الله
_________________________________________________
اسبابها :
1/ اكيد طبعا غلاء الاسعار
بس الشىء اللى انا متعجبة منه !!!!!!!!!!1
ما دام الاسعار عليت يبقى اكيد المنتجات بتتحسن ! مش كدة ولا ايه ؟
ده الطبيعى ......... لكن اللى بيحصل العكس .... الاسعار بتغلى ........ والمنتجات بتكش وبتفقد جودتها
ده السبب الاول
2/ ثقوب فى الضمير
انا استعرت الجملة دى من د\ احمد عكاشة رائد الطب النفسى فى مصر
لما قال فى اكتر من لقاء ( المصريون بقى عندهم ثقوب فى الضمير )
ده اكيد سبب اكيد لهذه الظاهرة ده من وجهة نظرى انا مش باحثة اجتماعية بس ده مجرد استباط
3/ تزحزح عقائدى ..... وقلة ايمان ........
تعبير غريب طلع منى فجأة ............. اعتقد ان الشخص الصانع ده المفروض يكون امين مع اللى بيبع له
ويضع نفسه مكانه ....... ويضع المسئولية المجتمعية فى حسبانه
والدليل على كدة
ساعات ممكن تلاقى فرن بيطلع عيش كويس ......... وفرن تانى بيطلع عيش كاشش ونازل عليه التخفيض
رغم ان سعر الدقيق واحد
4/ قلة متابعة وقلة مراقبة
طبعا النقطة دى هيطلع منها كلام كتير
زى الرشوة ........ والأكرامية والكلام اللى بنسمعه كل يوم فى التليفزيون
(المفتش قبض ومشى ) حاجة من هذا القبيل
وطبعا اكيد فى اسباب تانية كتير
_____________________________________
طب والعلاج ؟؟؟؟؟؟؟؟؟؟
عليكم انتم بقى

!!!!!!!!!!!!!

عشان نكون ايجابين

تفتكروا ايه علاج الموضوع ده ؟؟؟؟؟؟؟؟؟

وهل فعلا الظاهرة دى موجودة فى حياتكم ولا مش موجودة بشكل ملحوظ ؟

هستنى منكم الاجابة ان شاء الله