يمكن عنوان الموضوع ده كئيب حبتين بس لانه شاغلنى جدا الايام دى قررت انى اكتب فيه
لأنه موجود جوا كل الناس اللى بتعامل معاهم ويمكن كمان موجود عندى انا كمان بس الصراع ده بيتفاوت فى النسبة ما بين شخص لاخر
ندخل فى الموضوع
مثال رقم 1
لو سالت موظف ما فى اى مصلحة حكومية انت لية شايف رئيسك فى الشغل بيعمل حاجات كتير غلط ايشى رشوة على ايشى اهمال على ايشى محسوبية بتسكت ليه وما بتتكلمشى
هيقولك لانى خايف على لقمة عيشى انا لو اتكلمت ايه ضمنى انهم يفصلونى وانا عندى عيال عايزين يكلوا ويشربوا ويعيشوا
يعنى معنى كلامه كله بيدور حوالين المفهوم ده اللى هو صراع البقاء
مثال 2
لو سألت طلاب الجامعات انتم لية ساكتين على رفع اسعار الكتب والمصاريف الدراسية
هيقوللك ان سبب من الاسباب اسامينا هتتاخد ولا هنعرف نسافر ولا اى حاجة
ده برضه نوع من انواع صراع البقاء
مثال 3
لو سألت واحدة انتى لية صابرة على خطيبك ووافقتى عليه من الاول رغم قلة دينة وقلة ثقافته
هتقولك خايفة لو سبته ما لأيش حد متريش زيه وانتم شايفين حال الشباب عامل إزاى
وده برضه نوع من انواع صراع البقاء
وامثلة كتير وكتير بتحضرنى
ياريت لو عندكم امثلة تانية تقولوا عليها
وتقولولى ايه رايكم فى الموضوع ده
2 comments:
نظرة جديدة بالنسبة لى فى تحليل التصرفات على هذا الأساس
فعلا يبدو لى الأمر كفعل غريزى
بس ضحكت على المثال التالت أصل لسه سامعه قريب وطبعا إستغربت الأدمى اللى بيسبب لنفسه التعاسة المستقبلية خشية من فوات رزق مضمون له من الله
تحياتى على التدوينة المتفردة
جزاك الله خيرا
هى الامثلة دى موجودة فى حياتنا وحوالينا
وفى امثلة كتير غير دى كمان
وده فعلا بيبقى جزء كبير منه غريزى اعتقد ذلك
بس تختلف النسبة حسب قوة ايمان الشخص
واعتقاده ان الرزق ده شىء مضمون ومكتوب عند الله
Post a Comment