قليلة هى الايام التى يتذكرها الانسان فى حياته
ويتأثر بها وتترك اثارها على حياته ....
امس كان بالنسبة لى يوم تاريخى
حققت فيه حلم من احلامى
وهو رؤية استاذى العزيز أ / عمرو خالد الذى طالما يبث فيا الأمل من جديد
ذهبت انا وفريقى الغالى جدا عليا ( حماة المستقبل الشرقية
الى القاهرة لحضور الحفل الختامى لحملة حماية
وتقابلنا مع باقى فرق حماة المستقبل وصناع الحياه فى المحافظات الاخرى
كنا نتعانق ونتحدث وكأننا عشرة سنين
على الرغم من رؤيتى لهم اول مرة
كم كنت مشتاقة الى هذا اليوم
جلسنا مع بعض ننتظر مجىء الاتوبيس الذى سوف يذهب بنا الى مكان الاحتفال
تحدثنا فى كل حاجة عن البلد
السياسة والاجتماع والصحة والمدونات والنت والفيس بوك
وطبعا اتكلمنا عن حملة حماية
انا بصراحة بصراحة استفدت منهم كتيييييييييييييير
فعلا بنات مصر بمائة رجل
البنات ما شاء الله ثقافتهم عالية اوى وفكرهم كمان عالى وعندهم تحمل للمسئولية المجتمعية
وفعلا عايزين يخدموا الاسلام
_________________
2/ جاء الاتوبيس
2/ جاء الاتوبيس
وذهبنا الى مدرسة الجيل الجديد المقام فيها الحفل
وجلسنا ننتظر حضور استاذ عمرو
وبدأت الحفلة قبل حضوره بأيات من القران الكريم
وفجاة لاقيناه دخل وجلس على المنصة
انا طبعا اول ما شوفته فرحت جدا
ياااااااا ده عمرو خالد اللى غير فيا كتير من غير ما اشوفه
وكلنا وقفنا تحية له وكان باين فى عيونا السعادة
وقدم الحفل د احمد زعفان منسق حماة المستقبل فى الشرق الاوسط ....... شخصية لذيذة جدا
وقدم منسيقين الحملة فى الدول العربية الشقيقة
السعودية والاردن واليمن والجزائر والسودان وفلسطين
وقام استاذ عمرو يعلن عن ختام الحملة واتحدث عن نتائج الحملة
اد ايه كلامه بث فيا الامل كعادته طبعا بس المرة دى لها طعم مختلف
وخلص الحفل وقامت كل محافظة للتصوير معه
وكان من ضمنهم طبعا محافظة الشرقية
روحنا وسلمنا عليه وبص لينا وقالنا انتم محافظة ايه ؟
انا قولتله الشرقية
قال للراجل اللى بيصور صورة كمان ياعم دول شراقوة دول اللى عزمواالقطر
وضحكت اوى وقولتله استاذ عمرو ماما بتسلم عليك
ضحك وقاللى سلميللى على الست الوالدة
وبس
اليوم خلص
بس قبل ما نمشى من المسرح قررنا نسلم على اخواتنا الفلسطنين
استاذة عائشة جت من رام الله مخصوص عشان حفل الختام
وقفنا معاها شوية وعبرنا عن احساسنا بيهم واننا اد ايه حزنانين على اللى بيحصل
وحكيت لها على المظاهرات والمقاطعات اللى بنشارك فيها
وان ده جزء صغير جدا من اللى المفروض نعمله عشانهم
كانت مبسوطة جدا وقالتلى جملة حلوة اوى
احنا لما بنلاقيكم معانا وواقفين جنبينا ولما بنشوفكم بتعملوا مظاهرات لينا
احنا بنحس اننا مش لوحدينا .... بس طبعا قالتها بالفلسطينى
____________________
اد ايه استفدت من اليوم ده .......... وشوفت ان امتنا فيها خيييييييييير كبير
وشباب كتيييييييييييييير عايزين يخدموا الاسلام ومستعدين يضحوا
وما شاء الله كانت نسبة البنات فى الحفل اضعاف الشباب دى طبعا حاجة تشرفنا
ورجعنا من هناك وانا عندى بذرة أمل انى هقدر اساعد فى حاجة وهقدر اخدم الاسلام ولو بشىء يسير
ودعيت ربنا يغفر لنا اهمالنا وتصيرنا فى حق
ويرزقنا علما نافعا نخدم بيه الاسلام
21 comments:
ياااااااااااااا بختكم
اللهم لا حسد
آآآآآآآآآآآآآآآآآآآآه
اممممممممم
\فعلا بنات مصر بمائة رجل
اعترض وبشدة هههههه
حلوة اوى قولتله ماما بتسلم عليك
ربنا يحشرنا جميعا فى فسيح جناته
واكيد هاتكونى اسعد واسعد حين تقابلين من هو صاحب ذلك الامل البهيج (محمد صلى الله عليه وسلم))ا
كان لينا السبق
ربنا يتقبل
ما شاء الله عليكى ربنا يوفقك
خبيب
ان شاء الله تتعوض
عبد الله حسنى
اللهم احشرنا جميعا فى فسيح جناته واذقنا من يد حبيبك محمد صلى الله عليه وسلم شربة هنيئا لا نظمأ بعدها ابدا
جزاك الله خيرا
عاليا حليم
نورتى المدونة ويارب دى ما تكونشى اخر مرة ان شاء الله
مــا شاء الله ,,,احساسك جميل جدا فى عرض مشاعرك ووصف اليوم الراائع ده ...
وفعلا يا ترى احساسنا هيكون ايه لما نقابل سيد الخلق اجمعين ؟!!
اللهم اجمعنا به واياكم فى الجنه اللهم آآمين
تدوينه تحفه :)
يابختك ياعم
ربنا يتقبل عملكم كله يااااااااارب
ويبارك في صحبتكم
كان فعلا يوم جيد
ربنا يوفقكم
لكن يبث الامل بالثاء وليست بالسين
وحكيت تكتب هكذا وليست (حاكيت
الحمد لله
حملة حمايه نجحت بفضل الله ثم ا/عمرو
واخلاص الشباب اصحاب الهمم اللى شاركوا فى الحمله
احنا كمان عندنا فى المعهد اول مره نعمل حاجه مفيده
وعملنا ندوه للحمله
واتذاعت على اذاعة القاهره الكبرى
وعلقنا بوسترات
وربنا يبارك لبنات الشرقيه
اللى وقفوا وقفة رجاله
راحلة
يكفينى شرفا انى كنت معاكم
ويارب يجمعنا سوا مع سيد الخلق اجمعين
نور
اللهم امين جزاكم الله خيرا
وكنا نتمنى تكونى معانا
محمد الشاعر
اهلا بمدونين المنصورة وميت غمر
وان شاء الله تكون الحملة اللى جاية انجح كمان وكمان
anonymous
شكرا جزيلا على التعليق
معلشى بقى ضيق وقت وامتحانات وقلة نظر
بس انا عموما صلحتها
اوعى تفكر
اللهم لك الحمد
برافو عليكم فعلا
ياريت لو فى صور للحملة تنزلها على المدونة
حبيبتى بذرة أمل:
فعلاً يا بختكم, كان نفسى أكون معاكم .وفعلاً يوم جميل زى ما حكيتى, وفرحت أوى إنكم قابلتم أخوات من فلسطين وأتكلمتم معاهم, وفرحت اوى برضه من نجاح الحملة......وان شاء الله مزيد من النجاح والتقدم.
المدونة بقى شكلها جميل قوى يا نسومةوالتدونة جميلة بس فين الصور! مش بتقولى اتصورتم مع ا/عمرو اظن اجمل لو دعمتى التدوينة بالصور ,ربنا يوفقك وسلمى على ماما.
عاشقة الشهادة
ان شاء الله تكونى معانا المرة اللى جاية
ربنا يقويكى واخبار المذاكرة ايه ؟؟؟
عاشقة الشهادة
ان شاء الله تكونى معانا المرة اللى جاية
ربنا يقويكى واخبار المذاكرة ايه ؟؟؟
د ايمان
ايه النور ده
بجد نورتى المدونة
حاضر ان شاء الله اسلملك عليه
أولا السلام عليكم
ثانيا : جأت لك بنبأ هام و عاجل
لقد وجدت في مدونتك و تدويناتك انك من مدوني الأخوان ولذالك
أطلب منكي الرد علي أبشع تسألات علي الأخوان المسلمين
نحن
شباب مصر ,, نرجو الردود
شباب مصر ,, نريد أن نفهم
شباب مصر ,, نريد حلا او جواب
شباب مصر ,, نرجو الردود
http://so7bah.blogspot.com/
و عموما شكر للأستجابة ان أستجبتم
و شكرا علي الصمت أذا صمتم
احمد كجول
Post a Comment