كيف تتخلص من عيوبك الشخصية ؟
عندك عيب فى شخصيتك ؟
مخنوق من نفسك عشان العيب ده ؟
عارف كويس ان العيب ده هو اللى مأخرك عن تحقيق أهدافك ؟
كذا حد من المقربين ليك قالولك عليه وبرضه ما فيش فايدة ؟
زهقت وطهقت من نفسك عشان كل لما تصلحه يرجع يبوظ تانى ؟
يبقى خليك معانا دقيقة واحدة وركز فى الكلام اللى جاى
هدييك دلوقتى خطوات معينة (روشتة) تعملها عشان تتخلص من العيب اللى مزهقك ده ..
.بس ما تنساش تدعيلنا اول ما تتخلص منه
اول خطوه :
تحديد العيب المراد التخلص منه
ما ينفعشى يعنى تتخلص من حاجة انت اصلا ما تعرفهاشبليس لو سمحت ممكن تفتح نيو ورد او نيو تكست
وتكتب العيب ده بالتحديد وكبره اوووووووووووووووى وحطه فى نص الصفحة
تانى خطوة :
تانى خطوة :
اسأل نفسك هل ده فعلا عيب ولا ممكن يكون ميزة
ساعات كتير بنشوف مميزاتنا عيوب وساعات كمان بنشوف عيوبنا مميزاتوده فى حد ذاته غلط
يعنى لو سمحت اكتب هو عيب ليه عشان ايه اطلقت عليه عيبمثال :عيب لانك بتاخذ عليه ذنوبيعنى حرام شرعاعيب لانه بيزعل الناس منك .. مثلا
عيب لانه بيخليك تفهم الناس غلطعيب لانه بيأخرك عن تحقيق اشياء عايز تحققها
وهكذا اكتب بقى هو عيب ليهطيب ممكن يكون العيب ده ميزة فى نفس الوقت او بتحتاجه فى بعض المواقفاكتب برضه هو ميزة ليه اوك
الخطوة الثالثة :
الخطوة الثالثة :
فكر فى عواقب استمرار هذا العيبب
بلييييييييييس فكر كدة لو العيب ده استمر فى شخصيتك طول حياتك ايه اللى ممكن يحصل مثلا : هيخلى ربنا يزعل منى وبالتالى طاعتك هتقل وهكذا اكتب بقى عواقب العيب ده واسرح براحتك فى القصص والمواقف اللى ممكن تقابلها بسببه
الخطوة الرابعة :
الخطوة الرابعة :
فكر فى مميزات التخلص من هذا العيب
بفكر كدة لو انت قدرت تتخلص من العيب ده ايه اللى ممكن يحصل احساسك الذاتى هيكون عامل أزاى ؟
علاقتك بربنا ؟؟؟
علاقتك بالناس ؟؟؟؟؟
تحقيق ما تريد ؟؟؟؟؟
بىلييييييييييييييييييسس اكتب كل حاجة
الخطوة الخامسة :
الخطوة الخامسة :
اكتب الحاجات اللى المفروض تتبعها للتخلص من هذا العيب
مثال
:التوبة
الدعاء : تدعى ربنا يعينك على نفسك ويخلصك منه
النمذجة
النقطة دى عايزة شوية تفصيل لكل عيب ميزة مضادة له .... مثال العصبية عكسها التحكم فى الغضب
انت بقى اعمل تبديل للعيب ده بالميزة المضادة له اوك ...
وهتجيب حد تعرفه بيمتاز بالميزة دى وتحلله وتسأله هو بيعملها ازاى وايه الخطوات اللى تتبعها عشان تكتسب الميزة دى لو ما تعرفوش حاول تجمع عنه معلوما ت وبكدة هتكون اكتسبت ميزة جديدة وانت شخصيتك زى ما هى مش اتغيرت بليييييييييييييييييييييييييس
اكتب الميزة المضادة ومين اكتر حد بيمتاز بيها
الخطوة الاخيرة :
الخطوة الاخيرة :
خد عهد على نفسك انك تتخلص منه وتنفذ الخطوات
وياريت لو تقول لحد قريب منك انه يسالك كل يوم اخبار العيب الفلانى ايه ؟وقوله يرخم عليك كل يوم يسألك اخبار العيب ايه ؟وبس كدةنسيت اقول فى النهاية بليس الفايل اللى انت فتحته ما تمسحوش خليه متخزن عندك عشان لو نسيت ترجع تفتكر تانى
وبكدة نكون خلصنا موضوعنا النهاردة
اسيبكم بقى عشان اروح انا كمان اتخلص من عيوبى
by
بذرة امل
18 comments:
جميلة جدا ومينفعش تتجاوب بسرعة كده لازم تقعد مع نفسك الاول وتحدد عيبك برواقة ومين عارف يمكن يطلعوا كتير
تقبل مرورى
جزاكى الله خيرا عن كل من سيطبقها ..طريقة كويسة جدا ..وان شاء الله فيها العون
سلام :)
للعلم بالشىء لا يوجد بنى ادم خالى من العيوب
بس لو الدنيا بقت كلها خير هتبقى ممله لازم يكون شر وخير
دايما اردد عبارة الاعتراف بالخطأ فضيله مش فضيحه
وفعلا مش عيب الواحد يتكلم عن عيوبه ويحاول يعالجها ويغيرها للتحول الى مزايا
كنتى هتنسينى
ازيك ؟ عامله ايه
اصل بصراحه ده عيب من عيوبى
انى ساعات بدخل فى الموضوع والتعليق قبل مسلم على صاحب البوست
تفتكرى ده اعلجه ازاى
بجد بقى بوست جميل
تقبلى تحياتى
فعلا موضوع لازم احطه نصب عينى
ومحتاج وقفة..وقفة من اللى جامدة يعنى
جزاكى الله خيرا ع التذكرة خطوات جادة وان شاء الله نطبقها وكله فى ميزان الحسنات
اقدر الاشخاص لمعرفة العيوب هو نفسك
ولو تعلمون ما اعلم من نفسى لضربتمونى بالنعال
لكن ليس كل العيوب لان من الواجب الا نفتش ستر الله علينا
بارك الله فيك
ماشاء الله بوست رووووعه
تحياتى لحضرتك
فين بوستات حضرتك الجديده
المذاكره بقه صحيح
ربنا يعينكم
مناليزا
صدقينى الموضوع ده حسب ارادة الشخص
فى ناس بتتخلص من عيوبها يوم ما تحدد انها تتخلص منها
وناس تانية الموضوع ممكن ياخد معاهم وقت
سمر
والله ياسمر
انا الفت الطريقة دى بناء على خبرتى فى الموضوع
مع انى مش عارفة هى طريقة صحيحة علميا ولا لا
صوت من مصر
نورت المدونة
وشكرا على تعليقك
احنا كلنا بنى ادمين ولازم يكون فينا عيوب
بس المسلم الحق هو اللى بيدور على المثالية فى كل شىء لانه من صفاته الطموح
صالح سعيد
طبعا ومين قال ان الاعتراف بالحق فضيحة ده من احسن الفضائل
بس بنسب معقولة
ومش مع اى حد
عبد الله حسنى
كلنا ياعبد الله محتاجين الوقفة دى
الوقفة الجامدة دى
الطائر الحزين
انى سعيدة جدا بزيارة حضرتك لمدونتى
وياريت دائما تنورنا
حسااام يحيى
انت عارف بقى ياحسام امتحانى فاضل عليه شهر
بس انا شايفة ان دى افضل فترة للكتابة
لان القراءة الكتير بتفتح لك افاق كتيرة
حسااام يحيى
انت عارف بقى ياحسام امتحانى فاضل عليه شهر
بس انا شايفة ان دى افضل فترة للكتابة
لان القراءة الكتير بتفتح لك افاق كتيرة
جزاكى الله خيراً أختى الحبيبة:
أرى أن الخطوات من 4:1نظرية إلى حد ما, أما العملى والفعلى فيبدأ من الخطوة الخامسة, ولا أنكر أن المراحل العملية تنفيذها ليس بسيطاً بل تحتاج لعزيمة وهمة لكن فعلا بعد التخلص من هذا السلوك أو العيب سيكون للنجاح مذاق رائع.
***********
والخطوات التى ذكرتيها لها عدة أسماء هى:
1المكاشفه:وتعنى أن أبحث عما فى نفسى من عيوب ومميزات......وبعد ذلك أبدأ فى اصلاحها.
ثانياً: المراقبة:أى أن أراقب نفسى بإستمرار
ثالثاً:المحاسبة:(فيما يتصل بهذا الموضوع) أى أن ارى كم عدد المرات التى نسيت وكررت هذا العيب وكم مرة تذكرت ونجحت فى التخلص من العيب.
رابعاً:المجازاة والمعاقبة:اى ان اجازى نفسى على النجاح, واعاقب نفسى على التقصير والخطأ والعقاب طبعاً لا يكون قاسياً(يعنى مثلاً تعصبت مرة لذا اقوم معاقبة نفسى مثلا بصيام يوم, التصدق.........)
بعد هذه الخطوات سنلاحظ اختفاء هذا العيب والسلوك.
معذرة على الاطالة
عاشقة الشهادة
اولا نورتى عالم التدوين
وجزاكى الله خيرا
انتى صغتى الموضوع بشكل هائل جدا
ربنا يجعله فى ميزان حسناتك
بارك الله فى حضرتك
وحبذا لو توفر الإنسان على أحد المخلصين من أصحابه وسأله أن يهدى إليه عيوبه
ستكون المصارحة بينه وبين نفسه اجدى والمكاشفة معها أنفع وربما أعانه ذلك المخلص الناصح فى العلاج تدوينة مفيدة جدا تبارك الله
Post a Comment