المولد
كعادتى منذ صغرى . استيقظ مبكرا....اريد ان أرى العالم من حولى ... ماذا حدث فيه
كنت فى سن العاشرة او ما يقرب من الحادية عشر .لم يكن لدينا دش ولا نت ولا اى شىء من هذا القبيل سوى تلفاز كئيب يبث القناه الاولى والثانية
وقفت فى البالكونة ونظرت منها وجدت اشيائا غريبه قد حدثت . لافتات قماش تملىء الشارع من أوله لأخره. وكأن الحكومة قررت تقديم موعد الأنتخابات . سألت ماما هو احنا بقينا فى شهر ايه . قالت لى تقريبا شهر سبعه
تذكرت حينها ان فى مثل هذا الوقت يقام سنويا مولد ابو خليل
هيه . هيه . هيه . هناكل حمص وبابا هيشتريللى طبلة وعقد وغوايش
طرق اخى الباب رافعا صوته ..... ماما ماما شوفت يسرا وعلاء ولى الدين عند الشيخ صالح
ارد انا بدهشة .بجد والله العظيم ؟ انا كمان عايزة اشوفهم .. خدنى معاك
يرد عليا ويقوللى اقعدى بلاش هبل . فعلا كان العبط سوف ينط من عينى ( ايه يعنى وكأنى هشوف الشيخ الشعراوى
يستكمل حديثه لى ....دول بيقولوا كمان عادل امام جوا ..تعرفى كمان عدد السيارات اللى واقفة عند بيت الشيخ صالح كبيرة جدا
من فنانين ومطربين ورجال اعمال واعضاء مجلس شعب
طرحت عليه سؤال اعلم تماما انه لم يعرف اجابته . قوللى بقى ياوليد هما ليه الناس دى بتيجى للشيخ صالح؟
قاللى مش عارف ؛؛؛؛؛؛؛؛؛؛ ولا حد اصلا عارف
ناس بتقول بيعملهم عمل وبيشوفلهم البخت
وناس بتقول بيحللهم مشاكلهم وناس بتقول بيخلصلهم مصالحهم وما حدش عارف ليه بالظبط ؛
فى المساء
ياربى ياربى مش عارفة انام صوت عالى صوت عالى اوى
اقف فى البالكونة لأستمع من اين ياتى هذا الصوت
الله الله الله حى الله الله الله حى
اها دول صوت الناس الصوفيين اجروا شقة فى شارعنا عشان يباتوا فيها
ما شاء الله يعنى ما فيش نوم لمدة اسبوع
اخر يوم فى المولد بعد العصر
قوات الامن تقف على اول الشارع واخره
خير اللهم اجعله خير مين هيعتقل فى شارعنا
ترد علينا جارتنا الواقفة فى الشباك منذ 15 سنة .......خبرة يعنى
ده الشيخ صالح ابو خليل عقبال عندك جاى عندنا الشارع عشان يزور الناس اللى فى الشقة
معقوللة للدرجة دى
اقف مع صديقاتى انتظر مجىء هذا الشيخ المبارك
نرى من بعيد سيارة مرسيدس سوداء وخلفها اكثر من سيارة تحرسها
تقف السيارة المرسيدس ويخرج منها السائق ليفتح باب السيارة الخلفى ليخرج الشيخ صالح
واذ بجميع الواقفين يتسارعون ليقبلوا يديه واحدا تلو الاخر
وهو لا يبالى بهذا وكأنه مبسوط بذلك لا يحاول ان يسحب يده من تحت افواههم
وكانه مبسوط بذلك جدا
كل ذلك وانا واقفة اشاهد واتابع بشدة
واطرح على نفسى مجموعة من الاسئلة
من هذا الرجل الذى يأتى اليه الناس من جميع انحاء مصر؟
من هؤلاء الناس الذين يتركون اعمالهم ويجلسون هنا لمدة اسبوع كامل لتباركوا بقبلة على يد الشيخ صالح
وهل هذا من الاسلام ؟
ما كل هذه الاموال التى تبذل لهذا المولد
...يافتات بتتعلق شقق بتتأجر
وأكل كل يوم لأكتر من الف واحد
وحفلات ليلية يحيها اشهر الفنانين زى
محمد الحلو والكحلاوى
هل ده من الاسلام ؟
وهل هى دى الصورة اللى المفروض نظهر فيها كمسلمين؟
ومهما كان الشخص ده مين
هل يجوز اننا نبجله للدرجة دى
اشياء كثير كانت تدور فى عقلى
ولكننى تركت الاجابة عليها
لحد لما كبرت رغم انى تركت المكان وبعدت عن الاحداث
بس الحمد لله تقريبا عرفت الاجابة
لكنى اللى مستغرباله هى ليه الدولة بتحب الناس دى اوى كدة ؟
وبتقف جنبها وتقريبا حطينهم فوق راسهم وموفرة ليهم افضل السبل
رغم ان اللى بيحصل ده ما لوش علاقة بالتقدم
بالعكس ده بيهدم اكثر ما بيطور
فعلا فعلا
فى اشياء غريبة جدا
بتحصل فى بلدنا تحت مسمى التراث الاسلامى
ولكن اسلامنا بعيد عنها كل البعد
ياريت اسمع رأيكم فى الموضوع ده
30 comments:
ياااه يا بذرة
والله يا بنتي الدنيا مليانة موالد
أنا شخصياً ليس بيني وبين هذا "الصالح أبو خليل" أي شبهة مودة
مش حب لناس يا نسمة
إنما حب لأنهم وسيلة إلهاء محترمة وأنتِ عارفة الباقي هههههههه
ربنا يتولانا
ويرحمنا من شر الجهلاء.. آمين
وللبدع في أمتى ..
أموال تُنفق ..
ورجال تحرس ..
وعقول تفكر ..
ربما أكثر من أموال ورجال وعقول الحق
---
لأن البدعة تحرف الناس عن السنة
ولما كانت السنة تقود الأمة إلى أستاذية العالم
كان المطلوب أن تندثر وأن تذوب وسط كل البدع
---
لماذا يحاربون هذا التغييب للعقول ؟
إنه مفيد لهم
إنما محاربته دورنا نحن بمواضيع كموضوعك المتميز
دمتِ بخير
اهلاااااااااااااااااان مروة
فعلا ياميس هما وسيلة الهاء جامدة جدا
والغريب ان معظم الناس اللى بيحضروا
متعلمين ومثقفين
حاجة غريبة فعلا
خلاص للدرجة دى ما فيش تفكير
جزاك الله خيرا يادكتور على التعليق
وابداء الرأى
وعجبتنى جدا الجملة دى
وللبدع في أمتى ..
أموال تُنفق ..
ورجال تحرس ..
وعقول تفكر ..
_________
ليت كل هذه الاموال تنفق فى سبيل الحق
وكل هذا المجهود يوجه للنهضة والتقدم
السلام عليكم ورحمة الله
بعد التحيه والسلام :)
مبروك يانسمه المدونه ,, ومعلش لو جت متأخره شويه
بالنسبه للموضوع اللى اتكلمتى فيه فهو حاجه اكيد كلنا بنفكر فيها وبنستغرب ازاى البدع فى امتنا الاسلاميه طَغت على حياتنا بالشكل دا ,, رغم وضوحها الشــــــــــديد
فجزاكى الله خيرا للعرض الموضوع واهميته
ولى تعقيبان
والله اعلم من النحوى بتاعى يعنى
الاول: زى ماقولتلك بخصوص كتابة الموضوع :)
التانى : هو تعقيب عااااام على كل المدونات اللى فى الفتره الاخيره انتشرت منها المفيد ومنها الغير مفيد ولكن انتشارها بحس انه افاده وبداية للايجابيه وان كل واحد يحس ان من حقه انه يشارك ويتكلم ويقول رائيه فى اى حدث بيحصل فى العالم كله
وبسأل نفسى دايما
امتى هنقول
" مش مجرد كلام وبس وكمان فعل وتحرك "
يعنى زى ما اى حدث بيأثر فينا سواء بالفرحه او بالحزن او بالتعجب او بالاستنكار
امتى هيكون فيه شعار دائم على كل المدونات ..بيقول ان كل واحد عجبه حاجه واتكلم عنها ساعد على نشرها ودعمها
واللى مش عجبه يقول ان كل اللى كتبه هيشارك وهيعمل فى انه ينتهى
ويبقى شعارنا
مش مجرد كلام وبس
يعنى بدايتنا تغيير بالقلب مش لازم نقف عندها
و ربناوفقنا جميعا لما يحب ويرضى و يوفقك يانسمه يارب
مدونه بجد جميله وبحس بالكلام وانتِ بتكتبه
ليه الدولة تشجع مثل هؤلاء؟
أظن الذين سبقونى أوضحوها
أى حاجة مسموح بها ومؤيدة جدا بشرط
مهم ألا تمس أو تفكر تمس الكرسى
أو المحيط الذى يحيط بالكرسى
من مسافة تقل عن مليووووووووووووون كيلو متر مربع
الكارثة هى ازاى اساتذة الجامعة
والمثقفين وأهل العلم يقبلوا هذا
ال...؟
دا بيسموه الإلتزام السهل الذى لا
يكلف صاحبه أى معاناة
(سترون من بعدي اختلاف كبير فعليكم بسنتي وسنة الخلفاء الراشدين من بعدي و عضو عليها بالانامل)
جزاكى الله خيراً حبيبتى:
فعلاً الموضوع ده منتشر جداً, والمشكلة ان ناس كتير عارفة إن الحاجات دى هيتحاسبوا عليها وبرضه بيعملوها....والله الواحد بيسمع حاجات أغرب وأعجب من اللى إنتى شوفتيها وزى ما قولتى اللى بيعملوها ناس مثقفة جدااااا.وفى ناس منهم فاكرين انهم كده وصلوا لقمة العبادة والطاعة للاسف الشديد.
السلام عليكم ورحمة الله وبركاته
تفضلى يابذرة امل
باثراء مدونتنا الجديدة بأفكاركم وارائكم المفيدو والمبدعة
بوست جميل
ربنا يجعله فى ميزان حسناتكم يافندم
دعواتكم انا بامتحن
ايه يا جميل الكلام الجامد ده
بجد كلامك صح الصح
وكل التصرفات الغريبة دى ليست من الإسلام في شىء
لكن عارفة علي اد ما الواحد بيزعل لما بيشوف كده علي اد ما بيفرح لما بيسمع ناس زيك وهيا بتتكلم وفاهمة الصح من الغلط وعايزة حال أمتنا يتغير للأفضل ونعيش بالإسلام بجد
وجزاكى الله كل خير طرح متميز وربنا يحفظك وينفع بيكى
انتي عارفة المشكلة الحقيقية مش تقدم وتأخر
دي قضية عقائدية
مسألة شرك وكفر وكلام كبير من ده
مسألة جهل رهيب بالدين
ربنا يستر
ببيفكرونى بالمسيحيين اللي بيروحوا الكنسيه للرب علشان ياخدوا صك الغفران وياخدوا البركة
للاسف الصوفيين دول من بقايا النظام الفاطمي الشيعي
اكيد ده مش من الاسلام...
والدوله بتشجع دول علشان تلهى الناس اكتر ما هى ملهيين ...
انتى عارفه طبعا الغرض من ده ..ان كل واحد يبأه بيلف حولين نفسه ..يفكر فى همومه ..عايزين يشغلوا الناس ب؟أى حاجة ويبعدوهم عن دينهم..علشان الناس لو انتبهت لدينها ..هتفوق ..فاهمانى ؟؟
صباح الورد يا بذرة الامل يا بلدياتى
انتى طرحتى موضوع مهم جدا وكان من ضمن المواضيع اللى عايز اطرحها على مدونتى لكن برافو عليكى سبقتينى مع انى رحت مخصوص لمولد وصورته فيديو كمان وكنت هنزله لكن مفيش فرق طبعا بينى وبين بلدياتى
المهم انا شايف ان الناس اليومين دول بتدور على اللى يضحك عليها باى شكل كان او فى مكان صحرا ان كان او بستان
بجد ده ليس من الاسلام فى شئ
وللاسف بيلاقوا اللى يصدقهم ويمشى وراهم ويدعمهم بفلوس كتير جدا
انا شفت ده بعينى فى المولد اللى صورته
وانا هناك جربت اقف فى صف من صفوف حلقات الذكر
وللاسف ذكرت عكس اتجاه اللى جنبى
لقيت دماغى عامله حادثه فى دماغه اللى زى حجارة الاهرامات
ولقيت نفسى بقدرة قادر بره الصف وبره المولد كمان
بصي هي منظومه جهل كبيره اعتقد ان المولد لازم يبقى موجود عشان الدايره تتقفل ونبقى بنلف في دايره مش هتخلص من جهل وتخلف ومرض
وعمار يا مصر تحياتي
هههههههه
ده فى ناس عجييييييييبة ليهم شقة فى موقف المنصورة بعدى من جنبهم بقف اضحك والله
السؤال المهم ((مين اللى قال ان ده ولى )) سواء هو او ذالك!!!والله الناس والفنانين دول غلابة مووووز
اعتقادات خاطئة
واللى الناس للأسف بعيدة كل البعد عن معرفته هو ان اولياء الله هم
- "عن أبي هريرة رضي الله عنه قال: قال رسول الله صلى الله عليه وسلم:
"إن الله تعالى قال: "من عادى لي ولياً فقد آذنته بالحرب، وما تقرب إلي عبدي بشيء أحب إلي مما افترضته عليه،
ولا يزال عبدي يتقرب إلي بالنوافل حتى أحبه، فإذا أحببته كنت سمعه الذي يسمع به، وبصره الذي يبصر به،
ويده التي يبطش بها، ورجله التي يمشي بها، ولئن سألني لأعطينه، ولئن استعاذني لأعيذنه" رواه البخاري" .
وولي الله تعالى هو الذي يتبع ما شرعه الله تعالى فليحذر الإنسان من إيذاء قلوب أولياء الله عز وجل
انما اللى بنشوفه منهم لاينم على انهم يتبعون شرع الله.
شيماء
منورة المدونة وتعليقك فادنى جدا
ويارب ان شاء الله كلامنا ما يبقاش مجرد كلام
د كتورة اميمة
تعليقك عندى ده شرف ليا
وعجبتنى جدا رايك ده
أى حاجة مسموح بها ومؤيدة جدا بشرط
مهم ألا تمس أو تفكر تمس الكرسى
أو المحيط الذى يحيط بالكرسى
فعلا اللى بيحصل ده بياخد تأييد حكومى جدا والدليل على ذلك
ان اعضاء القيادات الادارية فى البلد على طول هناك
dr pharma
لو اننا تمسكنا بسنة الرسول صلى الله عليه وسلم
لكان حالنا ليس كما هو الان
جزاكى الله خيرا
وفى ناس منهم فاكرين انهم كده وصلوا لقمة العبادة والطاعة للاسف الشديد.
رايك تمام عادة ده المعيار اللى بيقيسوا بيه تصرفاتهم
غادة ورفيدة
ياهلا ياهلا والف مبروك على المدونة
حسام يحيى
ربنا يوفقك يارب وان شاء الله تجيب تقديرات عالية
خديجة
الف سلامة لتانى مرة وشكرا ياقمر على الكلام الجميل ده
بس صدقينى احنا الى الان لا نملك سوى الكتابة
للاسف الشديد
نور
دي قضية عقائدية
مسألة شرك وكفر وكلام كبير من ده
بصى يانور انتى تعرفى اننا لو قلنا الكلام ده فى وسائل الاعلام
ايه اللى هيحصل
هيتقال اننا مش عايزين نحافظ على وحدة مصر
لكن لما الواحد بيقرأ فى العقيدة بيعرف
انه لا اللى بيحصل ده غلط وغلط كبير كمان لكن هتقولى ايه ؟
العسكرى عتريس
احييك على رايك
الافعال اللى بتحصل دى نتيجة للى كانت مصر بتعيشه تحت حكم الفاطميين
وتاثرهم بالافكار الشيعية
سمر
والدوله بتشجع دول علشان تلهى الناس اكتر ما هى ملهيين
نفسى افهم هيلهونا بأيه اكتر من كدة
جزاكى الله خيرا
صالح سعيد
ياريت تنزل الفيديو ده على مدونتك نشوفه
وحلوة اوى التجربة اللى انت عملتها دى جامدة جدا واكيد استفدت منها طبعا
ومستنين تكتبلنا تجربتك وايه اللى شوفته
ونكون بكدة اتكلمنا فى الموضوع وفى سلبياته عشان كمان نوعى الناس بيه
وياريت تنزله كمان فى جريدة الدستور
wael
منظومة الجهل دى
دورنا اننا نصلحها وده هيحصل لو كل واحد فينا اثر فى المكان اللى موجود فيه وحاول يصحح المفاهيم الخطأ اللى عند الناس
اعتقد ان يمكن يجى يوم
ومظاهر الجهل دى تروح شوية عندى امل
لان مصر مش هتتقدم واحنا لسة مابينا ناس بتفكر كدة
عبد الله حسنى
انت ذكرت نقطة نسيت اذكرها
هى ان الناس دى بتتعامل مع الراجل ده على انه ولى من اولياء الله
وبالتالى لما تتقرب منه ربنا هيحققلها احلامها
فعلا والحديث اللى انت ذكرته الرسول صلى الله عليه وسلم وضح فيه وبين مين هم انبياء الله
وفى احاديث تانية كمان عن الموضوع ده
لكن للاسف الناس ما بتفهمش غير اللى عايزة تفهمه
لذيذ اوى البوست ده ..
ياترى بيتعمل فين المولود ده ؟
السلام عليكم
قال تعالى "ومن الناس من يشترى لهو الحديث ليضل به عن سبيل الله"
صدق الله العظيم
اللهم ردنا إلى دينك مردا جميلا غير مخزى ولا فاضح
هو ده فعلا اكبر دليل على اننا شعب متخلف ومعندوش مخ لما الناس تلتف حوالين راجل زي ده يبقى فعلا عليه العوض
وقالوا للفرعون مين فرعنك قال ملقتش حد يلمني
تحياتي ومدونة جميلة
فعلا شىء غريب والله
من كم يوم كان مولد الحسين
ناس هنا وهنا
والاذان بيأذن وهما قاعدين بيحتفلو وسايبين الصلا
ربنا يرحمنا برحمته
تحياتى
احمد سكر
لو الدوله مشجعتش دولت هتشجع مين
خلى الهيافه تكبر وتحلو
:d
Post a Comment