ميزان حياتى

ميزان حياتي

ناقص حته

وكل ما أوزن

ألاقي لسه

أحط حته

تقل حته

وأجيب قميص

تضيع چاكته

وأعيش لي ساعة

يفوتني سته

وكل ما أوزن

ألاقي ناقص

أقول بناقص

لو هي حته

أتاري لسه

ولسه تاخد

سنين وحته

وحاجات تسيبنى

وحاجات تاخدنى

وحاجات تخبط

في كل حته

وأقول ها نفرح

ف يوم

ها نفرح

ويوم مانفرح

علي الله يفضل

في القلب حته

الشاعر
على سلامة

عقبالنا يارب

امبارح كان فعلاً يوم تاريخى مش بس فى تاريخ امريكا

لأ ده فى تاريخ العالم كله رغم أن النتيجة كانت واضحة

ومعروفة من قبلها

لكنى كنت شغوفه جداً وعايزة أعرف السيستم اللى هتتم بيه الانتخابات

اكتر من معرفتى بمين اللى هيمسك امريكا لأنى عارفة أن التغيير مش هيبقى كبير

وخصوصا بعد ما سمعت وعرفت مدى حب الأخ اوباما لإسرائيل

بس أنا كنت عايزة أشوف الناس دى بتفكر ازاى

وبصراحة ....بقيت اسمع التقاير الأخبارية اللى بتتكلم عن مسيرة الانتخابات والطريقة اللى بتتم فيها

بصراحة كدة حسيت بحسرة فى قلبى شديــــــــــــــــــــــــــــــدة

لأن من المفروض أننا كمجتمع إسلامى نكون قدوة لكل العالم فى الحرية والديمقراطية والأخذ بالرأى والسماع للرأى الأخر

لكن للأسف الواحد حاسس أنه فعلا فى بلد لا تعلم عن الإسلام شيئاً

حاولت أقارن بين اللى بيحصل الايام دى فى أمريكا

وشعور الشعب الامريكى أنه صوتوا مسموع

بجد إحساس جميل إنك تحس إنك ليك قيمة فى بلدك

أنا بقارن بين أيه وأيه ؟

ياسبحان الله

افتكرت دلوقتى يوم الاستفتاء على التعديلات الدستورية

فى اليوم ده أنا كنت مشتركة فى مهرجان الأسر الجامعية فى جامعة الزقازيق وكنت مسئولة عن أسرة فى الكلية

وبعد طابور العرض ما خلص وقفونا أمام بوابة الجامعة وطلبوا مننا أننا نطلع برا الجامعة ونمشى فى الطريق لحد ما نوصل لأقرب مدرسة للجامعة ونروح ندلى بأصواتنا يوميها أنا روحت المدرسة فضول بس عشان أعرف أيه النظام هناك وعملت اللى فى دماغى وقاطعت التصويت أنا واللى معايا يوميها شوفت الديمقراطية اللى على حق

واللى الحزب الوطنى داوشنا بيها ليل ونهار

كل عمداء الكليات جايين ورا بعض عشان يصوتوا ويوفعوا راية نعم لأى حاجة الريس يقول عليها

وكل كلية باعتة أتوبيس بالموظفين بتوعها من أصغر موظف لأكبر موظف .

وبصيت لاقيت فجأة القناة الرابعة جاية تصو ر الزحمة اللى على الباب على أساس إن فى إقبال شديد على التصويت

وإن الشعب طبعا موافق وكل حاجة تمام

بصراحة يوميها كانت مسرحية بايخة

مليانة بالسخافات كله فيها بيضحك على كله

عارفين أنا حاسة دلوقتى أنى غلطت أن فكرت لمجرد التفكير فى عقد مقارنة بينا وبينهم

بس انا من حقى أحلم

ما هو برضه

لوبطلنا نحلم نموت

انا بس بتمنى وبحلم وبقول عقبالنا يااااااااااااااااااااارب

نفسى اشوف اليوم ده قبل ما اموت

وحشتنى

مش عارفة ليه فجأة حسيت ان الجامعة وحشتنى اوى


وحشتنى ايامها


وحشتنى المدرجات


والدكاترة


وحشتنى مظاهرات الاخوان


ورخامة اتحاد الطلاب اللى انا كنت منهم


وحشتنى الكافتيريا


وحشتنى الندوات الثقافية


وحشونى زميلاتى فى الكلية


وحشتنى رعاية الشباب


وشئون الطلبة


وحشتنى حفلات المسجد


ومهرجانات الجامعة


وحشتنى حديقة هندسة ( اللى كنت لما اتخنق اروح اقعد فيها لوحدى )


وبصراحة اكتر حاجة مفتقداها


مكتبة الكلية وكتب علم النفس والتنمية البشرية اللى كنت بقرأ فيها


وحشنى الادب والشعر ورابعة العدوية


والبوصيرى ومدائحه النبوية


وحشتنى كل حاجة فى الجامعة


صحيح كنت بنتظر اليوم اللى اتخرج فيه


لكن لكل فترة من حياتنا طعم مختلف


وحياة الجامعة ليها طعم بجد صعب يتنسى

شبورة

شبورة

لسة فاكرة نفسى وانا صغيرة لما كنت بروح المدرسة على
الساعة 6 ونص كدة
وابص ألاقى فى أخر الطريق شبورة كبيرة
كنت بقف دائما فى مكانى واخاف جدا
ويبقى هاين عليا أمشى جنب أى حد ماشى كبير عنى
لأما افكر ارجع تانى البيت اجيب ماما توصلنى .... لكن القرار دائما كان أنى لازم اكمل الطريق

وامشى جو الشبورة
وكانت المفاجأة أن المشى جوه
الشبورة ما كنش صعب زى ما كنت متخيلة
وإن ده مجرد وهم أنا بعيش نفسى فيه عشان مش عايزة أكمل الطريق وأروح المدرسة .

حالة مشابهة لدى بتحصلى الأيام دى )

ابتلاء
مريت الأيام اللى فاتت بشوية اكتئاب على الماشى واللى يعرفونى طبعاً عارفين ان الإحباط والاكتئاب لما
بيشوفونى بيمشوا من الشارع التانى لكنى المرة دى قررت أقف استمع ليهم شوية وياليتنى ما فعلت
كانوا يومين صعبين بجد بس الحمد لله عدوا على خير
ربنا سبحانه وتعالى بعتلى رسالة تانى يوم على طول
كنت قاعدة فى الشغل زهقانة ومخنوقة وعلى وشك البكاء ليه ؟ كبت بقى
بصيت لاقيت واحد عجوز جاى يمسح على باب المكتب المهم انا استغربت جدا
لأنه فعلاً كبير على الحاجات دى دار حوار بنا عرفت ان عنده 63 سنة
وان ابنه الوحيد الى كان عنده 23 سنة توفى من قريب فى حادث سيارة
وان ابنه ده كان متجوز وعنده 3 عيال وزوجته
لسة صغيرة تقريبا كدة فى سنى او اكبر شوية
عشان كدة هو بيشتغل عشان يصرف على الستة
اللى لسة فى المدارس وعلى وش جواز
وكمان زوجة
ابنه وعيالها المهم ان قلبى اتقطع وسألت نفسى وقولتلها
تصدقى انك تافهة احمدى ربنا على الحالة اللى انتى فيها . مهما كانت المشاكل اللى
بتقابليها تسوى ايه جنب مشاكل نااااااااااااس كتييييييير ؟ حوالينا بس احنا مش شايفينهم او مش واخدين بالنا منهم ؟ !!

لخبطيطة

لخبطيطة ساعات بتمر علينا
لحظات بنحس فيها ان كل ال

application
اللى على السوفت وير بتاعنا كلها هنّجت وعملت

not responding
وكل لما تحاول تعملها

end task
ترجع تهنج تانى
تبتدى تشد فى شعرك وتطأطأ ظوافرك
وتسأل نفسك
ياترى ايه الحل ؟
تسمع نفسك بتجاوب عليك وتقولك
اكيد محتاج

Anti –virus
لأن بالتأكيد ما دام شغال على النت

اكيد هيمر عليك فيروسات كتير
تقلقك وتنكد عليك
وتعطلك
يبقى لازم ولابد وحتما
ال Anti –virus
ما يتقطعش من عندك


أوك جبنا Anti –virus
وبعدين ؟ هل خلاص كدة كل مشاكلك أتحلت؟
بالطبع لأ طول ما أنت عايش فى الحياه
محتاج تعمل كل يوم

update
Anti –virus لل
ده لو أنت قررت انك مش تنعزل عن
العالم اللى أنت عايش فيه وقررت تكون مؤثر فيه
يبقى من الطبيعي أن طول ما أنت بتدخل كل يوم موقع جديد انك تفاجأ بفيروس جاى عليك عايز يقلل من كفأتك ويحد من التزامك ويثبط من عزيمتك يبقى لازم تكون أقوى من أى فيروسات ممكن تقابلك

***********************************

اى

application

عندنا

محتاج كل شوية اننا نحدثه ونعرف ايه الجديد منه

مش نعتقد اننا ما دام عندنا الل

application

ده يبقى خلاص احنا كدة تمام

لا ابدا ما كنش حد غلب

اى حاجة بتنزلها النهاردة على الهارد بتاعك

تأكد ان كل يوم بتتطور وبينزل منها الجديد

عشان كدة

مطلوب مننا

نكون أون لاين دائما مع الحياة

on line with life

نمسح كل رسالة سلبية بتجيلنا على

صندوق البريد بتاعنا

delete negative messages

ونمسح كمان كل الفايلات اللى بتزعجنا وبتأثر على حياتنا بالسلب

delete negative files and folders

ونرتب سطح المكتب بتاعنا يوميا

بحيث تكون اهداف حياتنا ادامنا واضحة ومنظمة

arrange icons by tybe

_____________________

على جنب

انا بتأسف جدا على عدم متابعتى للمدونات الايام اللى فاتت

بجد غصب عنى

out of my hand

لكن ان شاء الله

هحاول الايام اللى جاية ان ارجع تانى

_______________

على جنب 2

ما تخدوش فى بالكم من اللى مكتوب فوق ده

دى نتيجة طبيعية جدا

لحد بيتعامل مع الكمبيوتر الايام دى أكتر ما بيتعامل مع البشر

واخيراً

ما تنسونيش بقى تدعولى

كالعادة وياريت مش دعوة واحدة بس

بلااااااااش بخل

بس اهم حاجة مش تنسوا تدعو اان

ربنا يثبتنى على الحق

______

___

من هنا نبدأ

قبل الكلام

احب اقول كل عام وانتم الى متصلين

وعلى طاعته دائمين

وبالعمل الصالح متقدمين

وبالرسالة حاملين

وبالدعوة منتشريــــن

وبحب الله غارقيـــــن

وبأفعال رسوله مقتديـــن

وعلى درب الصالحين سائريـــن
وتقبل الله منا ومنكم

هذه كانت رسالة بسيطة لما اريد ان نكون كل عام بل وطيلة ايام السنة

حتى نقابل الله عز وجل ونحن قد عبدناه واجتهدنا فى تحقيق هذه العبودية واصلحنا فى الأرض بقدر استطاعتنا

2 - المدرسة الرمضانية

ما اروع تلك المدرسة التى لم ارى فى حياتى شبيهة لها هذة المدرسة التى يتحقق فيها كل

معايير الجودة والتعليم الشامل وتحقق كل ما تهدفه كل مدارس العالم الا وهو تنمية الشخصية بكل جوانبها

ولكن الأختلاف يكمن هنا انها بلا مبانى فهى لا تتقيد بحجرات دراسية معينة ولا تتقيد بمرحلة سنية معينة فهى منتشرة فى كل أرجاء العالم يدخلها كل المسلمين ولكن للأسف لا يدرك اهميتها

سوى نسبة قليلة ولا يتخرج منها الا الذى دخلها وهو مخطط للاستفادة منها جيد

اوالذى يدرك ان الوقت فيها سمين للغاية فهو لا يترك نفسه تسير وراء مهاطرات لا جدوى منها بل يجاهدها ويجعل من رمضان فرصة لتزكيتها ________________________________-
دورات فى التنمية البشرية3-

التحقت بالكثير والكثير من دورات تطوير الشخصية

واستمعت الى الكثير والكثير من مدربى التنمية البشرية

وقرأت ايضا الكثير من الكتب المترجمة التى تتحدث عن التخطيط ووضع الاهداف

والسيطرة على الوقت والبرمجة العقلية ولكنها لم تغيرنى بالشكل الذى كنت أبحث عنه

لا اشك فى اهمية هذه الدورات ولكن اريد ان أقول كلمة فى غاية الأهمية

من ادرك رمضان وخرج منه ولم يغير فيه شيئا فقد يلق صعوبة فى التعلم واصلاح العيوب عند خروجه من أى دورة تدريبية أخرى

لان رمضان حقا قد أشتمل على كل الدورات التى يبحث عنها الآ خرين ففى رمضان

تتعلم كيف تدير وقتك

وكيف تقوى ارادتك

وكيف تقلل من ساعات نومك

وفى رمضان تتحسن علاقاتك الأجتماعية

ويتحسن الجانب الصحى لديك

اما عن الجانب النفسى فتأكد ان معنوياتك ستزداد وخصوصا عند قيامك لصلاة التراويح اوالتهجد فانت لست وحيدا بل عضو فى اعظم جماعة فى البشرية جمعاء ( جماعة المسلمين اما عن الجانب المادى فلا تقلق فأنت لا تحتاج كثيرا الى دورات لزيادة رأس مالك فقط كن من المتصدقين فذلك سيشعرك ان مالك يزداد بركة رمضان هو شهر التغيير والتطوير من ادركه ولم يتغير شيئا فيه فقد خسر كثيرا

العيد

اعشق هذه الصلاة

صلاة العيد

التى تشعرنى بقوة المسلمين لا تتخيلوا كم ترتفع معنوياتى فى هذه اللحظة

وتنبت بذور الأمل بداخلى

فأخرج منها وانا على يقين ان حال ا لمسلمين سينصلح قريبا

وادعو الله ان نكون سببا فى هذا الأصلاح

واخيرا

لا تنسوا صيام ست من شوال روى الطبراني عن ابن عمر رضي الله عنهما قال : قال رسول الله صلى الله عليه وسلم : " من صام رمضان وأتبعه ستاً من شوال خرج من ذنوبه كيوم ولدته أمه

واقتربت العشر الاواخر

كل يوم وأنتم الى الله أقرب

واقتربت العشر الاواخر من شهر رمضان المعظم
!!!!!!!!!!!!!!!!!!!!!!!!!!!!!!!!!!!!!!!!!!!!!!!!

فهل نحن مستعدون ؟؟