مش عارفة ليه فجأة حسيت ان الجامعة وحشتنى اوى
وحشتنى ايامها
وحشتنى المدرجات
والدكاترة
وحشتنى مظاهرات الاخوان
ورخامة اتحاد الطلاب اللى انا كنت منهم
وحشتنى الكافتيريا
وحشتنى الندوات الثقافية
وحشونى زميلاتى فى الكلية
وحشتنى رعاية الشباب
وشئون الطلبة
وحشتنى حفلات المسجد
ومهرجانات الجامعة
وحشتنى حديقة هندسة ( اللى كنت لما اتخنق اروح اقعد فيها لوحدى )
وبصراحة اكتر حاجة مفتقداها
مكتبة الكلية وكتب علم النفس والتنمية البشرية اللى كنت بقرأ فيها
وحشنى الادب والشعر ورابعة العدوية
والبوصيرى ومدائحه النبوية
وحشتنى كل حاجة فى الجامعة
صحيح كنت بنتظر اليوم اللى اتخرج فيه
لكن لكل فترة من حياتنا طعم مختلف
وحياة الجامعة ليها طعم بجد صعب يتنسى
4 comments:
ربنا مايعودها ايام يارب ياساتر عليها مع انها لسه مخلصتش بس بتمنى من كل قلبى والله انها تخلص وماترجع ابدا(فاشل)
يارب ايام الثانوى هى الى ترجع نبقى اصغر ونختار كليه تانيه ندعى عليها غير الكليه الى احنا فيها
عند حضرتك حق
وحشتنى برده ايام الحضانه
:d
.......
ربنا يوفق حضرتك لما فيه الخير ياارب
فعلا الواحد مش بيحس بحلاوة ايام الجامعه الا لما بيطلع منها
ودا طابع انسانى عند الاغلبية
مش بنحس بالحاجه الا لما بنفقدها
بشكرك انك فكرتينى باجمل ايام عمرى فى جامعتى
تحياتى
عارفة احنا كنا لسه في الجامه
كنا ماشيين زي ميكون حد تايه من اهله ورجعلهم
او متغرب وورجع بلده
فكرتينا بأيام جميييييله
تحيااااااااتي
دمت بحب.....
Post a Comment