شبورة
لسة فاكرة نفسى وانا صغيرة لما كنت بروح المدرسة على
الساعة 6 ونص كدة
وابص ألاقى فى أخر الطريق شبورة كبيرة
كنت بقف دائما فى مكانى واخاف جدا
ويبقى هاين عليا أمشى جنب أى حد ماشى كبير عنى
لأما افكر ارجع تانى البيت اجيب ماما توصلنى .... لكن القرار دائما كان أنى لازم اكمل الطريق
وامشى جو الشبورة
وكانت المفاجأة أن المشى جوه
الشبورة ما كنش صعب زى ما كنت متخيلة
وإن ده مجرد وهم أنا بعيش نفسى فيه عشان مش عايزة أكمل الطريق وأروح المدرسة .
حالة مشابهة لدى بتحصلى الأيام دى )
ابتلاء
مريت الأيام اللى فاتت بشوية اكتئاب على الماشى واللى يعرفونى طبعاً عارفين ان الإحباط والاكتئاب لما
بيشوفونى بيمشوا من الشارع التانى لكنى المرة دى قررت أقف استمع ليهم شوية وياليتنى ما فعلت
كانوا يومين صعبين بجد بس الحمد لله عدوا على خير
ربنا سبحانه وتعالى بعتلى رسالة تانى يوم على طول
كنت قاعدة فى الشغل زهقانة ومخنوقة وعلى وشك البكاء ليه ؟ كبت بقى
بصيت لاقيت واحد عجوز جاى يمسح على باب المكتب المهم انا استغربت جدا
لأنه فعلاً كبير على الحاجات دى دار حوار بنا عرفت ان عنده 63 سنة
وان ابنه الوحيد الى كان عنده 23 سنة توفى من قريب فى حادث سيارة
وان ابنه ده كان متجوز وعنده 3 عيال وزوجته
لسة صغيرة تقريبا كدة فى سنى او اكبر شوية
عشان كدة هو بيشتغل عشان يصرف على الستة
اللى لسة فى المدارس وعلى وش جواز
وكمان زوجة
ابنه وعيالها المهم ان قلبى اتقطع وسألت نفسى وقولتلها
تصدقى انك تافهة احمدى ربنا على الحالة اللى انتى فيها . مهما كانت المشاكل اللى
بتقابليها تسوى ايه جنب مشاكل نااااااااااااس كتييييييير ؟ حوالينا بس احنا مش شايفينهم او مش واخدين بالنا منهم ؟ !!
9 comments:
يااااه فعلا والله الواحد لو تدبر فى حاله وفى حال ناس تانيين هيلاقى انه فى نعمة كبيرة اوى حتى لو كانت همومه كتير
قصة مؤثرة جدا وللاسف بلدنا مليئة بهؤلاء
فليكن الله فى عوننا جميعا
وتحياتى اليكى
وتسلمين
الله جميل أوي .... جميل اننا نقدر نفهم الرسايل الى بيعتها لينا ربنا عشان يخفف من علينا ... و يشيل من علينا الحزن ... و ده لانه حنين اوي و رحيم . جزالك الله كل خير على المعنى الجميل
من يشوف بلاوي الناس تهون عليه بلوته
قالوها في المثل من زمان
الحمد لله الذي عافانا مما إبتلى به كثير من خلقه و فضلنا على كثير ممن خلق تفضيلاً
بتفق مع الاخ اللي بقول من يراي مشاكل الناس تهون عغليه مشاكله لان معظم مشاكلنا بتنحصر في اشياء بسيطة لكن اهم حاجهودي نحمد ربنا عليها طبها انها مش في دينا
لذلك لا بد ان دعوا دائما اللهم لا تجعل مصيبتنا في ديننا
جزيتي الجنة
اللى يشوف بلاوى الناس تهون عليه بلوته
فعلا
الواحد مبيحسش بالنعمه اللى هو فيها الا لما بيلاقى حد محروم منها
ادعوكى لقراءه بوستى بعنوان
نيكولاس المعجزه .........مسلم بدون اسلام
جميل أن نسخلص العبر والدروس من مشاهد الحياة التى تمر بها لنعرف نعمة الله علينا والذى ربما ألهينا عنها وعن شكر الله عليها بسبب تعودنا على وجودها
أجزل الله لك الأجر أختى الكريمة على التذكرة
أيتها الأخت الكريمة
قولى
وداعا للــــــهم
وداعا للحـــــزن
وداعا للكـــــرب
طلمــا أن للكـــون رب
حالة الضيق و اليأس لازم تنتهى
لأنها لما تطول
معناها ان الإيمان قليل
و ده أستبعده عندك
إن شاء الله انتى مؤمنة
و آديكى لاقيتى حالك أحسن من غيرك كتير
قولى يا رب
د.حماس
ربنا يفك كرب كل المسلمين يارب
احمد الشاعر
اول كومنت لى فى المدونة هنا
ماشاء الله المدونة جميلة اوى
وبالنسبة للبوست
كلامك يتلخص فى جملة واحده وهى
من شاف بلاوى غيره تهون عليه بلوته
باذن الله زيارتى هتتكرر تانى
تحياتى
Post a Comment