قُبلة فلسطينية
حنين هذه الفتاة التى تبلغ من العمر17 عاما والتى بترت إحدى قدميها نتيجة لقصف هائل على منزلها
اكتر حالة جذبت انتباهى
صوتها العالى طريقة حديثها
لباقة كلامها
لا اخفى عليكم اننا جميعا اصابنا الاحراج والارتباك عند دخولنا عليها
لدرجة أن عدد كبير من المجموعة خرج سريعاً
وذلك بسبب الكلام الذى سمعناه عند دخولنا
ياماما نفسى أقوم وامشى
قومينى
مامتها : ان شاء الله تقومى
يعنى هقوم واقف وامشى زى البنات دول ؟
عند سماعنا لهذا الكلام قررنا جميعا الانسحاب من الحجرة
إلا انها صاحت بصوت عالى
شوفتى ياما كل شوية يجوا يبصوا عليا ويمشوا
صراحة انا عند سماعى لهذه الكلمة وجدت نفسى اجلس على الكرس المقابل وقولت لها
بس كدة ادينا قاعدين لحد ما تزهقى مننا
واخذت اتكلم معها عن سنها وعدد اخوانها واخواتها وتطرقت معنا فى الحديث عن منزلها الذى دمر بأيدى الصهاينة وعن د سعيد صيام الذى كان يسكن بجوار اختها
وعن حال غزة وما تمر به
واخذت انا عندما تنتهى من اجابة سؤال اطرح عليها السؤال الآخر الا اننى فوجئت بالذى قالته لزميلاتى عندما طرحوا عليها بعض الأسئلة
: اصبروا لما اسمع صاحبتكم اللجاجة
قولتها : نعم لجاجة انتى اكيد قصدك تقولى لكاكة قالتلى ايوة !!
احرجت جدا
وسكت
ولاقيت الجماعة جايين ينادوا علينا قولت ياخسارة كنت عايزة اقعد معاها اكتر من كدة
وطلبت منها رقم تليفونها واديتهولى
0176402856
وقولتها تسمحى ادى رقمك لصحابى وافقت ورحبت
وبعدين قولتلها تسمحيلى أبوسك
وبوستها وهى باستنى
وكانت أول قبلة فلسطينية اتلقاها
كانت بالنسبة لى ليها معانى كتير
18 comments:
ازيك يا جميل
فكرتينا الله يسمحك
فعلا الله يكون فى عونها
انا عن نفسى خرجت كلامها بيقتل والله
وربنا يكون فى عونهم
ومبسوطة اوى انى عرفتك وعرفت بنات
الزقازيق
اشوفك على خير وفى الخير ديما يا جميل
يااااه يا نسمة
أفتكر إني ما كنتش أستحمل الموقف بأكمله
عسل يا نسمة
لجاجة؟.. هي عرفت منين انك لكاكة هههههه طالعة لصاحبتك مروة هاتكوني طالعة لمين يعني
ربنا يجزيكم كل خير ويسعدكم
كان نفسي أكون معاكم
خير
:)
إن شاء الله ربنا هينصر الحق وهينصر أطفال فلسطين ويقر أعينهم فى حياتهم بإذن الله
همس
انا كمانة بجد مبسوطة أنى عرفتك
ربنا يكرمك
وسامحينى انى فكرتك
بس ما اعتقديش اننا هنقدر ننسى
مروة جمعة
كان نفسى تكونى معانا أنتى ومشيرة
جزاكم الله كل خير
في اول التدوينه انفعلت وكدت ابكي
مع اني مع كل حاله نسائيه كنت اتحرج اخش
لكن
ضحتك فى الاخر
علشان لما قبلت جريح البنات استعجبوا
مش عارف ايه
ولا هو حلال عليكم حرام علينا
ربنا يبارك فيكي يابذرة الامل
وفي كل اللى كانوا معاكى
بجد اثلجتم صدورنا وسلامنا للحاج اسامه
خادم الدعوة
إن شاء الله ربنا هينصر الحق وهينصر أطفال فلسطين ويقر أعينهم فى حياتهم بإذن الله
اللهم أمين
وجزاك الله خيرا
مهندس مصرى
نورت المدونة يا بشمهندس
وجزانا وإياكم
الشاعر
انا معاك فى حالة التعجب التى انت فيها
بس احنا دائما كدة
بارك الله فيك وفى كل اللى المدونين اللى جم واللى كمان كان نفسهم يجوا وما عرفوش
أبكتني كلماتك مع أننا نعيش الجرح تلو الجرح
أبكتني كلماتك مع أنني رايت الأجساد المتفحمة أمام عيني
حسبنا الله ونعم الوكيل
جزاك الله خير الجزاء أختي بذرة أمل ، وأنتي وأمثالك بذرة أمل للأمة من جديد
لا تنسوا اخوانكم في غزة من دعائكم
||..بحــر الدموع..||
أنا حنين ديه وجعتلي قلبي بجد
لما سمعتها وهي بتقول أنا عايزة أمشي زي البنات دول .. عينيا دمعت والله
والله الواحد بقى مكسوف حتى يدعي .. حاسة ان احنا أقل من ان ربنا يستجيبلنا حتى
ربنا يصبرها بقى
كان يوم حلو يا نسمة وأنا اتبسطت بيكي
وعلى فكرة بقى .. أنا رحت البحر
;)
ركبت راسي ورحت .. واستمعت جداا يعني
عقبال مرات تانية ان شاء الله
بحر الدموع
تاثرت كثيرا يا أخى بتعليقك هذا فهو وسام شرف لى
اعلم جيدا ويعلم كل العرب والعالم بأكمله ما تمروا به من مأساه حقيقية
فنحن لا نكف عن الدعاء ليل نهار
ونحن على يقين أن النصر قريب بأذن الله
سمية
انا اللى سعيدة بمعرفتك والله يا سمية
ان شاء الله نشوف بعض قريب
اكيد دى مش كانت اخر مرة
بارك الله في حضرتك وكل من شارك فى هذه لفاعليات الإيجابية
نعم نحتاج إلى مثله وغيرها لعلنا نعذر إلى الله بعضا من عجزنا فى النصرة
كيف حالك يا لجاجة
عشان تصدقى لما نقولك يا لجاجة:)
ممكن تكون حنين اول قبلة فلسطينية اصلية أباً عن جد.
بس مهياش اول قبلة فلسطينية ولا انتى نسيتى صاحبتك الفلسطينية؟
ربنا يكون فى عونهم وعون اهلى وكل الفلسطينين فى غزة ورفح
ويبدلهم ديارا وذرية جديده
تعرفى
انا كان نفسى اكون معكم بس بصراحة
لو انا مكان حنين هقول نفس اللى قالتله
(شوفتى يمه كل شوية يجو يبصو عليا ويمشو)
الجرحى دول عندهم عزة وصمود وكرامة
بتضيق عليهم الدنيا لما يحسو انهم صارو عاجزين
واللى عنده عزة نفس ما بيتحملش انه يكون موضع شفقه
فخير ما عملتى انك جلستى معاها وحكيتى معها عشان حنين تعرف انكم جايين تطمئنو عليهم وليس تتفرجو عليهم
بس تانى مرة مش تسألى كتير ..لان الاسئلة دى بتقلب عليهم المواجع..
لو هم حبو يحكو ..هيحكو من تلقاء نفسهم .. ولو مش حكو من تلقاء نفسهم ..يبقا نعرف ان الكلام بيقلب عليهم مواجعهم
بسم الله الرحمن الرحيم
ويقولون متى هو قل عسى ان يكون قريبا
صدق الله العظيم
الحقيقة مش لاقى كلام غير الندم على التقصير فى حق اخوانا فى غزة
قصة واقعية صعبه جدا
تقبلوا تحياتى
حلم كبير
احنا مجموعة شباب بنجهز لفريق فلسطين بيهدف الى استمرار دعم القضية الفلسطينية بكل الوسائل الممكنة و لمزيد من التفاصيل ادخلوا الى هذا الجروب
http://www.facebook.com/group.php?gid=45759123030#/group.php?gid=45759123030
ياريت تشاركونا في فريقنا
Post a Comment