الجزء الأول
من ساعة ما عرفت ان المدونين عامليين زيارة لجرحى غزة اليوم الجمعة 16/1 فى مستشفى بالاسماعيلية
وانا بعد الساعات .
والحمد لله روحنا النهاردة وكان يوم من الايام اللى مش هقدر أنساها فى حياتى
اتقابلنا كلنا امام باب المستشفى
مدونين من كل مكان فى مصر
القاهرة وكفر الشيخ وميت غمر وبورسعيد والزقازيق
وقبل ما ندخل تلقينا اسئلة من الأمن انتم مين ؟ وجايين هنا ليه ؟ وطبعا فتشوا الحاجات اللى معانا
ودخلنا الحمد لله سالمين بعد ما اقنعناهم أننا مجموعة شباب صحاب وجايين نطمن عليهم ودخلوا معانا مشرفين من المستشفى لتوجيهنا
عدد الحالات اللى كانت هناك حوالى 17 رجل وامراة 58 سنة وفتاة 17
الحالات بجد كلها صعبة جدا
اوجعت قلوبنا جميعا ولكن على الرغم من كدة تشوف قوة الإرادة فى عيونهم وفى كلامهم
قد أيه الواحد حس انه صغير أوى
وأنه فى أيده حاجات كان المفروض يعملها وما تعملتش
يحس أوى بالتقصير والخجل
يااااااااا ده احنا فعلا ً شكلنا وحش اووووووووووووووى
وشكل حكامنا اوحش بكتيييييييييييييير
أدام ربنا طبعا قبل أى حد تانى
________
على الهامش
انتظروا الجزء التانى قريباً جداً أن شاء الله
لأنى دلوقتى جاية من السفر تعبانة جداً
4 comments:
حمد لله على سلامتك يانسمة
وجزاك الله خيرا على الحضور
يا سلام انتظرونا فى الجزء التاني بتذلينا مش قولت نزلوا مره واحده ايه العيال دي
حمد لله على السلاامه يا حبيبتى وسعيده بمعرفتى بيكى انتى وكل البنات اللى زي القمر معاكي وانتى فعلا بذره امل وهتطرح الخير كله
طب انتى تعبانه
ومرهقه
وجاى من السفر
بردو داخله على النت
على العموم هو كان يوم جميل
والواحد بيكون فخور جدا بيكم
بحماسكم
بهمتكم
بتعبكم
بكل حاجه
بس منتظرين الجزء الثاني بتاعك لما نشوف
ههههههههه
فعلا يا نسمة اليوم كان جميل رغم اننا قلبنا وجعنا
ربنا يصبرهم يارب وينصرهم
مبسوطه اني اتعرفت عليكي ياقمر
رودي
Post a Comment