قررت اكتب ........
قررت اكتب عن حاجة ما اعرفش ايه هى
جوايا برضه حاجة لكنها مستخبية
!! انا لازم اعبر عن حاجة عايشة فيا
طب ايه هى الحاجة دية ؟
ما هو ده اللى انا عايزة اعرفه من نفسى الخيبة دية ؟
خيبة !!!!!!!!!! ايوة خيبة ........
ايه الكلمة دية؟
صدقينى لما اقولك خايبة يبقى اكيد مش هكدب عليا
تعرفى الخيابة ايه هى ؟
هى انى دماغى لفة ومش عارفة راسى من رجلية
ولما اجى افكر الاقى ادامى مائة حاجة مستنية
لكنى اعمل ايه كان على عنيا
كنت فاكرة لما هاجى اتخرج من الكلية ...
.. هلاقى الدنيا احلوت فى عنيه والفلوس باقت بتجرى فى ايدية
. فلوس هو انتى بتفكرى فى فلوس ؟
هقولك لا .... ما انا نفسى اصرف من غير ما اقول لحد هات دى حتة عيب فى حق واحدة لساها متخرجة من الكلية
اه يانفوخى
تعرفى........ محتاجة اطير يومين على اسكندرية ..
واقعد على البحر واغمض عنيه واركب الحنطور على الكورنيش واروح المنشية
تعرفى محتاجة ايه كمان؟
محتاجة ايه ؟؟؟؟؟؟
نفسى اشتغل شغلانة مناسبة مع نفسيتى وشخصيتى المائية
والاقى نفسى فيها بتطور واتقدم واتعلم وتبقى خبرة كبيرة تضيف لى فى حياتى العملية
تعرفى عايزة ايه كمان ؟
يااااااااااااااااااااا حاجات كتير خليها للمرة اللى جاية
ان كان فى العمر بقية
قررت اكتب عن حاجة ما اعرفش ايه هى
جوايا برضه حاجة لكنها مستخبية
!! انا لازم اعبر عن حاجة عايشة فيا
طب ايه هى الحاجة دية ؟
ما هو ده اللى انا عايزة اعرفه من نفسى الخيبة دية ؟
خيبة !!!!!!!!!! ايوة خيبة ........
ايه الكلمة دية؟
صدقينى لما اقولك خايبة يبقى اكيد مش هكدب عليا
تعرفى الخيابة ايه هى ؟
هى انى دماغى لفة ومش عارفة راسى من رجلية
ولما اجى افكر الاقى ادامى مائة حاجة مستنية
لكنى اعمل ايه كان على عنيا
كنت فاكرة لما هاجى اتخرج من الكلية ...
.. هلاقى الدنيا احلوت فى عنيه والفلوس باقت بتجرى فى ايدية
. فلوس هو انتى بتفكرى فى فلوس ؟
هقولك لا .... ما انا نفسى اصرف من غير ما اقول لحد هات دى حتة عيب فى حق واحدة لساها متخرجة من الكلية
اه يانفوخى
تعرفى........ محتاجة اطير يومين على اسكندرية ..
واقعد على البحر واغمض عنيه واركب الحنطور على الكورنيش واروح المنشية
تعرفى محتاجة ايه كمان؟
محتاجة ايه ؟؟؟؟؟؟
نفسى اشتغل شغلانة مناسبة مع نفسيتى وشخصيتى المائية
والاقى نفسى فيها بتطور واتقدم واتعلم وتبقى خبرة كبيرة تضيف لى فى حياتى العملية
تعرفى عايزة ايه كمان ؟
يااااااااااااااااااااا حاجات كتير خليها للمرة اللى جاية
ان كان فى العمر بقية
37 comments:
اول تعليق
ان شاء الله يحقق كل اماني حضرتك
ياااااااااااااارب
كلنا جوانا حاجات بس مش عارفين هي ايه
اضغاث أحلام ..
فوقى فوقى انتى فى مصر ..
تحياتى ..
أسامة أمين
ربنا يحققلك كل امانيكي ياااارب
والفلوس تجري في ايديكى
ـــــــــــ
:) ياجماعة بلاش تعقيد مالها مصر يعنى
مصر فيها اسكندرية وفيها المنشية وفيها حناطير
حنطور من الفرحة
ده تعليقا على شمو نشادر
ربنا يحقق كل احلام حضرتك يااارب
هاتفرج ان شاء الله
انشاء الله هاتفرج
وربنا يحققلك كل احلامك
حسن حنفى
ربنا يكرمك
عارف
لو ركزنا شوية مع نفسنا هنعرف بالضبط هى ايه ؟
شمو نشادر
والله فى ناس كتير عايشين فى مصر وحققوا كتير من احلامهم
بس الفرق ان احنا هنا محتاجين مجهود كبير عاشان نحققها
اهم حاجة بس نخلص النية
عبد الله
عندك حق صحيح
ده انا حتى قولت احلام بسيطة للغاية
من حق كل مواطن ان يحلم
اجمل حلم بجد واللى ممكن كل الناس تحلمه
هو دخول الجنة
اعتقد اننا من حقنا جميعا اننا نحلم بيه ونعمل له كمان
بصرف النظر احنا فين
blue-wave
يااااااااااارب ان شاء الله
جزاك الله خيرا يا دكتور
يارب يحققلللك كل اللى نفسك فية انتى واحنا كلنا
بس اصحى انتى فى مصر
ربنا يوفقك ويحققلك كل اللي نفسك فيه ويكتبلك الخيرأينما كان
دمتي بخير أختي ..
ربنا ينولك اللي في بالك يا بنت الشرقية
:)
بما انك قررتى اخيرا انك تكتبى
فاحنا اكيد ومن غير منقرر لازم نقرا اللى انتى كتبتيه
بصراحه انا شامم ريحة شبورة من الياس تحيط ببذرة الامل بلدياتى
واللى مش مريحنى بقى هو انى شامم برضه_رغم انه عندى برد_نغمة عدم تفاؤل فى كلامها
مش عارف ليه
يمكن عشان حاولت اقرا الكلام اللى بين السطور
صدقينى يابذرة الموضوع لا يستحق كل هذا التفكير
سيبيها على الله
وخلى ثقتك فى نفسك اكتر واكبر من كده
صدقينى ربنا هيكرمك
نسأل الله أن ننشغل بما له عندنا دون ما لنا عند الله ..
لأن ما لنا عند الله ثابت لا يتغير بتدبيرنا
---
وأما طموحنا ..
فنسأل الله أن يكون لخدمته
فإنه إن كان لخدمة دينه صار وسيلة لا غاية
وانزاح همه عن صدورنا
---
نفع الله بكم
يممكن تعذرينى عشان مش باجى مدونتك ومش علقت فيها ولا تعليق ... كل ما انزل بوست عندى الاقيكى معلقه عندى وتقوليلى لو سمحت مر علينا وطل ... وانا لا باطل ولا حتى بابص يمينى ...هههه
وانهارده قررت ان ابص وبصيت ووجدت ان ما باليد حيله وان حالك هو حال كل شاب وشابه مصريه تخرجت من الكليه وجلست تنظف البيت وتقشر البصل وتنتظر المنتظر اللى هو العريس المحترم ...
نعم هذا هو حال بنات مصر ...
باقولك ايه بلاش جو الكابه ده وروحى على بحر مويس اللى عندكم فى الزقازيق ده واقعدى على اى كرسى من الىل هناك دول وشمى هوا حلو ... هههههه
بس مش تشمى ريحة البحر عشان مش تتعبى ... ههههه
باهزر مش تضايقى من كلامى
لكن انا باتريق على حال كل الشباب .. وكلنا نفسنا فى كل حاجة حلوة فى الدنيا لكن بتتاخد بالساهل ابدا والله مش بتتاخد بالساهل ... ربنا يفرحك فى حياتك وتروحى المنشيه وتركبى اللانش فى وسط البحر وتطيرى وتقولى انا الانسانه المائيه انا الانسانه المائيه هههه ربنا يكرمك يارب وينولك اللى تتمنيه ..
نونو
دى اول زيارة ليكى لمدونتى
نورتى ياقمر يارب ما تكونش اخر مرة
وشكرا يا جميل على دعواتك ليه
ميرو
جزاكم الله خيرا يا دكتور
واكرمك الله
وحمد الله على السلامة
الصحفين الجامدين اوى
مروة جمعة
يارب يامروة وانتى كمان يابنتى متوقعالك مستقبل كبير ان شاء الله مستنين موضوعك الجديد الى هينزل فى الدستور
صالح سعيد
مش عارفة اقول لحضرتك على الكلام اللى بيشجع اوى ده
بس فى الاول خالص عايزة اقول انى وانا بكتب الموضوع ده كنت بتخانق مع نفسى خناقة جامدة اوى
عشان كدة تخمينك كان صحيح
د خبيب
جملة حضرتك دى كالعادة جت فى وقتها
نسأل الله أن ننشغل بما له عندنا دون ما لنا عند الله
بجد فعلا ده واقع اننا بننشغل بما لنا عند الله
ولكننا للاسف الشديد مقصرين تقصير شديد بما لنا عنده
عمرو سلامة
اخيرا نورت يافندم المدونة
بص بصراحة كدة انا اضايقت من الكلمة دى .......عارفة انك بتهزر
ن حالك هو حال كل شاب وشابه مصريه تخرجت من الكليه وجلست تنظف البيت وتقشر البصل وتنتظر المنتظر اللى هو العريس المحترم ...
نعم هذا هو حال بنات مص
اولا انا بكره تقشير البصل بعمل الاكل وماما هى اللى بتقشره
ثانيا انا مش مستنية العريس ولا اصلا عايزاه مالها العنوسة مية مية وبعدين انا لسة صغيرة
ايه عنوسة دى صحيح !!!!!!!!!!
....1
ثانيا بحر مويييييييييييييييس
فعلا يا جماعة اللى مش عارف بحر موييس
ده من احسن الابحار فى الشرق الاوسط حاجة نظيفة جدا والكورنيش بتاعه ما قولكوش تحفة تحفة مزار سياحى من الدرجة الاولى
ههههههه
على فكرة بقى انا ساعات بعمل كدة بس بس بالنهار بس
واخيرا:
شكرا يا ستاذ عمرو على دعواتك وعلى فكرة بجد مدونتك راااااااائعة
بنا يكرمك يا نسمه و يحقق لك احلامك ,
و سيبك من المتشائمين .. و سيبك من كلام اسامه نشادر :(
يالا ربنا يعز بيك الاسلام ... و انت اكتر حد عارف ان الاحلام بتتحقق بينا
ولما نسعي وراها
إيه الحاجات دى كلها
دا إنتى طماعة يا بنتى
حد بيفكر فى الحاجات دى عندنا فى مصر
d:
نوورتى مدونتك من تانى
وتفاءلى يا بنتى
يعنى يكفيكى إنك خلصتى من خنقة المذاكرة
بصى للنص المليان
d:
عودة حميدة
يا ريت كانت الكتابة تحققلك حاجة من دول
ده اصبح حلم كل واحد متخرج
انه يشتغل شغلانة كويسة
وعلا فكرة حلو اوى البوست ده
انتى اللى كاتباه؟؟
وادعى ربنا يحققلنا احلامنا التى اوشكت على الانتهاء والنفاذ
وتحياتى اليكى
وتسلمين
مشكلة شباب مصر الابدية
اتخرجت وعايز اشتغل بقى
ربنا يوفقك ان شاء الله
عرض طيب للموضوع
غادة ورفيدة
ربنا يكرمك ياغادة وشكرا على الدعوة الحلوة دى
فزلوكة
انا طماعة ؟؟؟؟ ماشى طب دى حاجات بسيطة خالص
بس انتى عندك حق احلى حاجة اننا خلصنا من هم المزاكرة
ريحانة الاسلام
هخرح برا الموضوع ربناشوية
ربنا يتمم شفاء والديكى على خير ياريحانة الاسلام
احنا كلنا بندعيلهم
دارك سكيلز
شكرا جزيلا يا دكتور
دى فعلا مشكلة كبيرة وخصوصا ان ظروف المعيشة باقت صعبة جدا
يااااه كل دى تدوينات لم اكن قرأتها
ده انا وحشه بجد
بس ايه الابداعات الزجلية دى
انا مش مبسوطة من كلمة خايبة دى
خدى بالك بذرة الامل كده ممكن تدبل
عوزة اشوفك زى زمان
شدى حيلك رمضان بيقرب
كل سنة وانت كلك أمل
ومانحن بتاويل الاحلام بعالمين
:d
ههههههههههه
بوست
روعه روعه روعه
انا بحب الطريقه دي في الكتابه جدااااا
لا ان شاء الله كل حاجه في وقتها جايه
بس فكري واكتبي كل حاجه نفسك فيها
وابدأي خططي ورتبي احلامك
الاهم قبل المهم
^^
تقبلي مروري
يا بذرة امل
^^
اختى بذرة امل
البوست رااائع ما شاء الله و ربنا يحقق لينل كل احلامنا ان شاء الله
و جزاك الله خيرا
و تقبلى تحياااتى
اهلا بعوده حضرتك الى الكتابه مره تانيه
:)
ربنا مايقطعها من عاده
ومسير حضرتك هتعرفى هيا ايه الحاجه دى
اعتزلت التدوين
شكرا انكم قبلتوني في عالمكم الفتره
دي
ويشهد الله كم احببتكم فيه
ان شاء الله توصلى و تقدرى تحققى احلامك بس اهم حاجة لا تياسى.
"تحياتى"
فعلا الكل بيتخرج وبعد كده حاجة من اتنين يبيقعد عن عم رجب الاهوجي ويتكلم مع سعيد الصبي يلعب عشرة طاولة اوحتى ضمونة وبعد كده يروح
يأما يروحبسرعة بعد النتيجة متظهر يروح الجيش يسلم نفسة بس برده هيرجع تاني للقهوة ده اذا كان معاه فلوس يعني من الاخر هتروح وتقعد علي القهوة يعني هتقعد ربنا يعنا والحكومة معانا
صورة طبق الأصل من حالة تدعي هلاوسس وإحباطات مرحلة التخرج
ربنا يكون في عونك
وكلنا مررنا بنفس الحيرة ونفس الحالة
تذكرى أن الله قريب منكِ
لا تنسى أهم شئ ألا وهو الدعاء ..
حقق الله لكِ كل خير تتمنيه
_____________
لو زهقتِ تعالى عندنا اسكندرية ..
تنورى..
ربنا يحقق لكى كل ماتتمنيه
وتشتغلى فى وظيفة حلوة
وتصرفى من مرتبك
وتروحى اسكندرية
وكل اللى انتى عاوزاة
انتى فعلا بتكتب حلو جدا جدا جدا
تحياتى
شفقة
انت بتتكملى تقريبا بلسان اكتر من تلت تربع الشباب المصرى
بجد اسولبك حلو اوى
وشدنى جدا
ودمه خفيف فى نفس الوقت
الى الامام
Post a Comment