ساقية الصاوى عملت اللى ما عملتوش وزارة الثقافة

ساقية الصاوى ......... هذا المكان الذى أعشقه
فريق معا ........شباب جامد جدا

لا أدرى لماذا اعشق هذا المكان ؟
هل لانه يطل على النيل مباشرة ؟
ام لانه يجمع كل مفكرى مصر فى مكان واحد ؟

؟؟؟؟؟؟؟؟؟؟؟؟؟؟
7/2006
كانت زيارتى الاولى لساقية الصاوى للمشاركة فى معرض خاص بالجمعيات الاهلية
فوجئت يومها بكمية الشباب الايجابى فى مصر ...مصر مليانة خير كتير
وانبهرت بفكرة وهدف ساقية الصاوى يااااااا لسة فى ناس بتحترم حرية الرأى ؟

****************
7/2007
كانت زيارتى الثانية لساقية الصاوى
كان يوم ممتعا ما أجمل ان تجلس على النيل مباشرة اكثر من اربع ساعات متتالية
تعرفت فى هذا اليوم على فريق معا 2007 لتنمية واستثمار الموارد البشرية
شباب مليان حماس وشكله فعلا عايز يعمل حاجة كان لسة فى البداية
كان نفسى اشترك معاكم لكن ظروف السفر ربنا يوفقكم
وتقدروا تعملوا حاجة تفيدوا بيها مصر
تركت ساقية الصاوى قبل المغرب مباشرة
ياخسارة كان نفسى اشوف الليل فيها واقعد اعد النجوم
وكمان احضر اى حفلة دينية بس قدر الله وما شاء فعل ..
انا شاء الله لازم اجى قريب هاين عليا اجى كل يوم
سلاااااااااااااااااام ياساقية
**************
الجمعة 15/8
2008
رجعالك ياساقية
ياااااااا اخيرا هروح الساقية
الحكاية بدأت قبلها باسبوع لما حضرت ل م /اسامة الجوادى رئيس فريق معا ندوة عن فرص التوظيف فى العاشر
وقال لنا عن دورة اختبارات الذكاء اللى هتقام فى الساقية
ياااااا انا مبسوطة اوى هروح الساقية واشوف النيل واشوف اجمل ناس فى مصر وكمان هتعلم حاجة جديدة
روحت الساقية
ودخلت الندوة
لاقيت نااااااااااااااس كتييييييير ما شاء الله
ما فيش مكان اقعد فيه بسم الله ما شاء الله ده فريق معا اللى لسة بادىء السنة اللى فاتت
ربنا يزيدكم يارب شباب زى الفل معلم نفسه بنفسه معظمهم سنهم صغير لكن
انجازاتهم كتير فى الاول شباب وقفوا يتكلموا عن تجربتهم وخبرتهم وعن المنح المجانية اللى خدوها
وعن نوعية الشغل اللى بيتعرض عليهم وبدأت الدورة بس كانت مفيدة جدا
ربنا يحميكم يارب مصر لسة فيها خير بجد
ده الجروب بتاعهم على الياهو ياريت تشتركوا عليه عليه فايلات مفيدة جدا
maaan2007@yahoogroups.com
___________
الوقت مر بسرعة وما لحقتش اقعد اسلم على النيل واقعد جنبه شوية
اتفرجت على المعارض الفنية اللى الأطفال عاملينها بنفسيهم ايه الابداع ده كله اللهم لا حسد
وكمان معارض الكبار حاجة هايلة مصر فيها مواهب حلوة كتييييييييير
بس ميييييييين يستغلها
تركت الساقية وانا انظر اليها نظرة شوق ياترى هشوفك تانى أمتى ؟
فأنتى حقا فعلتى ما لم تفعله وزارة الثقافة بكل قصورها ومراكزها