أسئلة لكل المدونين والمدونات
السؤال الأول :
بتقرأ الايام دى؟ ولو بتقرأ بتقرأ حوالى اد ايه فى اليوم ؟ وايه اكتر حاجة بتقرأها ؟
السؤال التانى :
هل بتحب ان حد من اسرتك او عائلتلك يقرأ مدونتك ويتصفح فيها ؟ ولا ما بتحبش ان حد يقرا اللى بتكتبه
السؤال الثالث:
نسبة الفائدة اللى بتحصل عليها من النت حوالى كام فى المائة من النسبة اللى انت عايزها ؟ وهل هى نسبة مرضية بالنسبة لك؟
ياريت استقبل اجابتكم اعتقد انها هتكون مفيدة لينا كلنا
بتقرأ الايام دى؟ ولو بتقرأ بتقرأ حوالى اد ايه فى اليوم ؟ وايه اكتر حاجة بتقرأها ؟
السؤال التانى :
هل بتحب ان حد من اسرتك او عائلتلك يقرأ مدونتك ويتصفح فيها ؟ ولا ما بتحبش ان حد يقرا اللى بتكتبه
السؤال الثالث:
نسبة الفائدة اللى بتحصل عليها من النت حوالى كام فى المائة من النسبة اللى انت عايزها ؟ وهل هى نسبة مرضية بالنسبة لك؟
ياريت استقبل اجابتكم اعتقد انها هتكون مفيدة لينا كلنا
13 comments:
سلام عليكم
1- أنا أصلا مبقراش بس ساعات بتهفني و أقرا بس مش بمعدل ثابت
و بقرأ اي كتاب تقع عليه إيديا ( لإن ماما عندها مكتبة كبيرة)
2- أنا كنت بغصب علي أختي تيجي تقرا مدونتي و حاولت اخلي اخواتي البنين يشوفوا مدونتي كمان بس محدش بيعبرني :D
3- حسب الظروف يعني لما ببقة مثلا بعمل بث ولا حاجة بستفيد جداً من النت
لما ببقي بدور علي شيء معين
سؤال مش عارفاه
فتوى مش عارفاها بستفيد جداً من النت
اقدر اقول كمان ان دلوقتي بستفيد منه اكتر من زمان
لإن زمان بقعد اعمل شات و بس
دلوقتي بعمل حاجات بالهبل
بالنسبة مرضية ولا لأ مش عارف
سلامٌ عليكي
1_بصراحة مش كتيير بس نفسي.وبالنسبة للوقت مفيش معدل ثابت حسب الكتاب مايشدني .واكتر حاجة بقراها الروايات وخاصة لانيس منصور
2_بصي هو مافيش مانع حد يقراها عادي يعني
3_لما بحتاج حاجة من النت واحصل عليها ساعتها بحس اني استفدت منة ولكن بضايق منة جدا لما بيبقي مقتصر علي عمل الشات وبس مع اني مش بعمل شات كتيير
السلام عليكم
ازيكم عاملين ايه .. واهلنا فى الشرقيه عاملين ايه.. وصناع الحياه عاملين ايه
انا الان عاكف على قراءة بعض الكتب التنميه البشرية
وصراحه كميه القراءة ذادت بعد الشغل الجديد لأن فى وقت فراغ شويه كتير
المدونه كل البيت بيقرأها ولله الحمد
السلام عليكم هايل جدا وجميلة جدا المدونة بس انا عندي اقتراح حلو الاسئلة اللي انت بتكتبها وعايز اجابه عليها ممكن من ايقونة تخصيص واضافة استطلاع رأي هيكون احسن وأفضل بكتير ولك جزيل الشكر وبجد انا سعيد علشان تصفحت المدونة بتحتك بالصدفة
السلام عليكم ورحمة الله وبركاته :
بالنسبة للسؤال الأول :
أقرأ حاليا :
تاريخ الإسلام للإمام الذهبي - كتب في موضوع إدارة الاجتماعات .
لا أقرأ بمعدل ثابت يوميا ولكن لا يقل اسبوعيا في كثير من الأحوال عن 50 صفحة .
أكثر ما أقرأه عن التاريخ .
بالنسية للسؤال التاني : نفسي أبويا يقرأ ما أكتبه علشان يعرف أنا بفكر ازاي .
بالنسبة للسؤال الثالث :
الفائدة التي احصل عليها :
الأخبار : 60 َ%
معلومات جديدة 25%
ثقافة عامة 50 %
معرفة آراء الآخرين : 80 %
أعتقد أن نسبة معرفة آراء الآخرين هي الوحيدة المرضية .
جزاكم الله خيرا .
عذرا سوف أقوم بنشر الأسئلة على مدونتي .
والسلام عليكم ورحمة الله وبركاته
فى البداية السلام عليكم
اولا بالنسبة للقراءة انا مطنشاها حاليا بس ده بالنسبة للكتب لانى اساسا كرهتها بسبب الدراسة
ولكن بالنسبة للنت انا بقرأ فيه كتير خصوصا فى منتدى شرقاوى اون لاين
ثانيا انا بحب جدا لما بابا او ماما يدخلوا على المدونة بس لما اخواتى هايدخلوا اكييد هيتريقوا وانا فى غنى عن ذلك
ثالثا انا بستفييد جدا من النت لاننى اساسا مش بستخدموا فى العاب و كده لا علطول الحمد لله بحاول استفييد
وشكرا على الموضوع
وتحياتى اليكى
وتسلمين
السلام عليكم
بدل مجاوب
no comment
يتشرف موقع شرقاوى اون لاين بدعوة حضرتك لحضور ندوة بعنوان
آداب الخطوبة وفنون الاختيار
مع الدكتورة إيمان عزب الاستاذ بكلية الصيدلة
وذلك يوم الاثنين القادم في تمام الساعه 8.30 مساءا
http://sharkawyonline.net/vb/showthread.php?t=14166
بذرة امل
اولا مش بحب اقرى اوى بحب اتفرج اكثر
ثانيا
بحب ناس تعلق على مدونتى وتدينى اراء
ثالثا
بعشق نت جدا لو حاجة بتثير ميولى زى افلام امريكية شات ومواقع فضفضة بس او اى حاجة مفيدة مشمشمة
صباااح الفل
عارفة يا نسمة
أنا معدل قراءتي قل جداً عن زمان مش عارفة ليه ملل ولا ايه بالضبط؟؟
أنا ما باحبش حد من عيلتي يقرأ مدونتي.. ومش عارفة ليه؟؟.. يعني باحب أكون غامضة في البيت.. يمكن!ا
النت والله ما اقدرش أحدد بس أكتر حاجة باسطاني اني ما عدتش باحب الدردشة على النت.. بتضيع الوقت جامد
نسمة انتِ ناوية تعملي دراسة جدوى؟؟
هههههههههه
صباح الفل
بلدياتي العزيزة
بتقرأ؟.. الجواب: نو.. مش زي الأول طبعا، انتي عارفة الدنيا بتاخدنا- شوفي الفشر- حتى من نفسنا.. يادوب على قد جريدة الدستور في السوبر جيت من والى القاهرة
حد من اهلي يزور المدونة: ياريت.. ع الاقل كانوا عرفوا ان سلك التليفون اللي بوصله ع الكمبيوتر (معنديش وصلة) طلع بفايدة
نسبة استفادتي من النت: نسبة عالية يا نسمة (نسبة ونسمة.. غريبة ههههههه).. تخيلي ملف وورد مبعوت من ايميلك لأيميل حد تاني يبعد عنك بمسافة 80 كيلو
دي أكيد حاجة هايلة
طبعا فيه الداون لوود.. دردشة احيانا.. متابعة الصحافة الخليجية بعض الوقت
السؤال الأول :
بتقرأ الايام دى؟ ولو بتقرأ بتقرأ حوالى اد ايه فى اليوم ؟ وايه اكتر حاجة بتقرأها ؟
بقرأ الأيام دي في كتاب اسمه القيادة المؤثرة
و كتاب تاني اسمه 1790 نصيحة لتخطي الحواجز و النجاح الاداري
و كتاب تالت اسمه تيارات الفكر الاسلامي ----------------------------------
السؤال التانى :
هل بتحب ان حد من اسرتك او عائلتلك يقرأ مدونتك ويتصفح فيها ؟ ولا ما بتحبش ان حد يقرا اللى بتكتبه
اه بحب ... و اخواتي دعاء و نورا و سمية بيدخلوا على النت و بيقرؤوا تدويناتي .... و في بعض الاحيان باخد راي ماما او بابا في موضوع عاوزة انزله
-----------------------------------
السؤال الثالث:
نسبة الفائدة اللى بتحصل عليها من النت حوالى كام فى المائة من النسبة اللى انت عايزها ؟ وهل هى نسبة مرضية بالنسبة لك؟
الفائدة تقريبا بنسبة 70% و هي اكيد غير مرضية
الاجابه سهله بس ممتنعه شويه
..........
1. بحاول اقرا فعلاواشتركت فى مكتبه لما لقيتنى مش هاقرا الا غصب عنى
2. قريت اليومين اللى فاتوا حوالى ساعتين فى اليوم
بحب اقرا اى كتب سياسيه
2.لا مش بحب اطلاقا وباعمل مشكله اما اشوف حد فاتح مدونتى بس فيه ايام بيقراوها غصب عنى برده
3.نسبه الافاده بالنت اصلا عندى قليله
ودى النسبه اللى انا مستنيها
:d
Post a Comment