كل واحد يحافظ على الديسك توب بتاعه

كل واحد يحافظ على الديسك توب بتاعه

تخيلوا معايا

لو حياتك كلها باقت موجودة على الكمبيوتر

تخيل ديسك توب حياتك هيكون شكله عامل ازاى ؟

نبدأ سويا رحلة التخيل

بس خلى بالك كل واحد له ديسك توب خاص بيه ايوة كدة علم نفس بيقول ان لكل انسان خياله الخاص به

معروف لدى الجميع

ان الديسك توب بيحتوى على مجموعة من الايقونات

اذن حياتك هتبقى برضه مجموعة من الايقونات

الايقونات دى هى بين قوسين كدة( ادوارك الاجتماعية (

اول ايقونة تسمى

عبد الله او امة الله

والايقونة دى بتحتوى على ملفات جواها

منها ملف عن الصلاة والخشوع

وملف عن الذكر

وملف عن الدعاء

وطبعا الايقونة دى عامة بتشمل جميع اامور حياتنا

.................................

الايقونة التانية

اسمها الاسرة

وجواها ملفات برضه زى

انت دورك فى الاسرة ايه

ابن او ابنة

اخ او اخت

عم او خال او عمة او خالة

وهكذا وكل واحدة منهم له ملف

.....................

الايقونة الثالثة

تسمى المهنة

وجواها ملفات تانية

زى طال او موظف

عضو جمعية خيرية او عضو حزب اوى جماعة

او عضو نقابة او اتحاد

..................................

فى ايقونة مهمة جدا خلى بالك منها اسمها

مسلمة او مسلمة

وجواها برضه فيلات كتير

زى الدعوة الى الله والامر بالمعروف والنهى عن المنكر

القراءة الكثيرة

اتقان مهارات اللغة

مهارات الكمبيوتر

مشكلة فلسطين

ومشاكل المجتمع المسلم

_____________________

واخر ايقونة معانا النهاردة اسمها

مواطن مصرى او مواطنة مصرية

دى بقى جواها فبلات كتير

زى مثلا

الايجابية

الوقوف فى وجه الظلم وانصاف المظلوم

اتقان العمل

المحافظة على نظافة البلد

العلم والعمل البناء

وهكذا

_________________-

هتلاقى بقى بعد كدا ايقونة مختلفة

اسمها اخبار واحداث

دى بقى سجل فيها حياتك اليومية

كل حاجة بتحصلك

الحاجات الحلوة والحاجات الوحشة

ايجابياتك وسلبياتك

ذنوبك ومعاصيك

وكمان الناس اللى قابلتها جديد

اكتب كل حاجة كل حاجة

حتى الحاجات اللى ضايقتك

والناس اللى ضايقوك

طيب حضرتك هتسألنى ؟

ليه كل الدوشة دى

هقولك حاضر يافندم

عشان كل يوم قبل ما تنام تقيم نفسك وتشوف هلى عندك توازن فى اداء ادوارك ولا فى ادوار قصرت فيها

هتسألنى

طيب والايقونة الاخيرة دى لازمتها ايه ؟

هقولك لازمتها كبيرة اوى

عشان كل يوم تقيم افعالك

وتشوف بقى ايه الجديد اللى عملته فى حياتك

عارفة انك ممكن تلاقى فى اليوم بتاعك غلطات

خلى بالك من كلمة ممكن دى

يعنى ما تتعودشى وما تتعوديش على كدة

اول بقى لما تلاقى الغلطات كترتوالذنوب كبرت حتى لو كانت صغيرة

اضغط على طول على الفايل كليك يمين واعمل دليت

واقوم بسرعة صلى ركعتين توبة من قلبك

وان شاء الله ربنا يغفرلك

بس ما تنساش كل يوم تعمل رفرش للديسك توب بتاعك

وما تنسوش ياجماعة

خلى واحد يحافظ على الديسك توب بتاعك

استراحة ايمانية

استراحة ايمانية

من اكثر الكتب التى اذا شعرت بأن الحزن بدأ يتسرب الى نفسى بقرأها هو

كتا ب الفوائد

لابن القيم

عشان كدة قررت ان الاسبوع ده بأذن الله احدده لعرض اكثر الفوائد اللى اثرت فيا عند قرأتها

واللى شايفة انها ان شاء هتفيدكم

نبتدى ان شاء الله

شمول سورة الفاتحة لفلاح الانسان

مقدمة :

للانسان قوتان

قوة علمية قوة ارادية

وسعادته التامة موقوفة على استكمال قوتيه العلمية والارادية

واستكمال القوة العلمية انما يكون ب

معرفة الله سبحانه وتعالى

ومعرفة اسمائه وصفاته

ومعرفة الطريق التى توصل اليه

ومعرفة النفس ومعرفة عيوبها

فبهذه المعارف يحصل كمال قوته العلمية

.........................................

واستكمال قوته الارادية لا تحصل الا

بمراعاة حقوقه

والقيام بها اخلاصا وصدقا ونصحا واححسانا

.............................

فكمال الانسان وسعادته لا تتم الا بمجموع هذه الامور , وقد تضمنتها سورة الفاتحة

( بسم الله الرحمن الرحيم * الحمد لله رب العالمين * الرحمن الرحيم * مالك يوم الدين )

يتضمن الاصل الاول وهو معرفة الرب تعالى , ومعرفة اسمائه وصفاته وافعاله

والاسماء المذكورة فى هذه السورة هى اصول الاسماء الحسنى وهى اسم الله والرب والرحمن

فاسم الله متضمن لصفات الالوهية

واسم الرب متضمن لصفات الربوبية

واسم الرحمن متضمن لصفات الاحسان والجود والبر

.................................

(اياك نعبد واياك نستعين)

يتضمن معرفة الطريق الموصلة اليه

وهى لسيت الاعبادته وحده بما يحبه ويرضاه

........................

(اهدنا الصراط المستقيم )

يتضمن بيان ان العبد لاسبيل الى سعادته الاباستقامته على الصراط المستقيم

.....................................

(غير المغضوب عليهم ولا الضالين )

يتضمن بيان طرفى الانحراف عن الصراط المستقيم

وان الانحراف الى احد الطرفين انحرا الى الغضب الذى سببه فساد القصد والعمل

والانحراف الى الطرف الاخر انحراف الى الضلال الذى هو فساد العلم والأعتقاد

..............................

فأول السورة رحمة

وأوسطها هداية

وأخرها نعمة

..............................

فمن تحقق بعانى الفاتحة علما ومعرفة وعملا وحالا فقد فاز من كماله بأوفر نصيب

وصارت عبوديته عبوديه اخاصة الذين ارتفعت درجتهم من عوام المتعبدين

والله المستعان

ماتت قبل ان تعرف بموت اخيها

ماتت قبل ان تعرف بموت اخيها

للمرة الثانية قررت اكتب مباشرة دون ترتيب او تنظيم

ولكنى المرة دى عارفة انا هكتب فى ايه

فى الايام اللى فاتت اكيد لاحظتوا انطباع الحزن فى كتاباتى ده يمكن

بسبب اسباب كتييرة من ضمنها احساس العجز الى انتابنى لما عرفت

ان عمتى اخت ابى اللى بحبها جدا واللى هى كمان بتحبنى جدا

واللى بقالى حوالى بالضبط 3 سنين ونص ما شوفتهاش

فى المستشفى بتموت بعد ما قطعولها رجليها

عشان كانت عندها سكر

طيب وانا ليه بقالى 3سنين ما شوفتهاش؟؟؟؟

هقولكم من البداية

عمتى دى رحمها الله كانت بتحب بابا رحمه الله جد جدا وهو الوحيد اللى كان بيسأل عليها على طول ويروحلها القاهرة

فا هى جالها بعيد عن السامعين جلطة من 3 سنين

وبعدها على طول والدى توفى فأولادها قرروا انها ما تعرفشى عشان الزعل غلط عليها وخصوصا انها كانت بتحبه جدا

ومن ساعتها

وهى لما بتسال عليه يقولولها تعبان فى المستشفى

ومن ساعتها واحنا مش عارفين نكلمها خالص لان اولادها خايفين يبان علينا وهى تعرف

واستمرت المحاولات

لمدة 3 سنين

ولما عرفت انها خلاص بتموت

حاولنا نروح نزورها كانت الاجابة دى لو عرفت ممكن تروح فيها

لما واحدة تعرف ان اخوها مات من 3 سنين وهى ما تعرفشى هيكون رد فعلها ايه؟

عشان كدة كنت مضايقة اوى

انا وامى واخواتى عشان نفسينا نشوفها ومش عارفين

لحد امبارح بعد صلاة الجمعة جالنا ترنك انها تعيشوا انت

حسيت ساعتها بألم جوايا كبير

وشوفت صورة ابويا وافتكرت كل شىء لما كنت بروحلها

وسافرت وروحت القاهرة وكانت ليلة صعبة علية اوى

انا بدعيلها ربنا يغفر لها

انا عارفة انها ماتت زعلانة من ابى انه مش بيسأل عليها

لكن اكيد هى عرفت

والله اعلم

يوميها شوفت ناس كتير كلهم المفروض انهم قرايبى اخر مرة شوفتهم كانت يوم جنازة ابى

ومن ساعتها

اللى ابن عمى وبنت عمتى وناس كتير نسيت اسمهم

وهما كمان نسيوا شكلى واستغربوا ................. بقيتى فى الليسانس ما شاء الله كبرتى

وسمعت اعذار كتير

معلشى مش بنسال عليكى انتى عارفة ظروف الحياه

قولتهم لا عادى انا مش زعلانة

اصلى خلاص اتعودت

على الزمن اللى الاخ بينسى فيه شكل اخوه

والللى الزمن خلانى اشوف ابن عمتى اول مرة فى جناازة ابى وبنت خالتى يوم فرحها

عادى جدا ولا فى اى شىء

عادى جدا ولا فى اى شىء

ورجعت تانى ادعى لعمتى بالرحمة والمغفرة

واقرأ لها سورة يس

وقولت ياترى المرة اللى جاية هشوف الناس دى كلها امتى؟

وياترى لو شوفت حد فيهم مرة حيفتكرونى ولا لأ

تخاريف 2

تخاريف2

انا النهاردة قررت انى اكتب حاجة على المدونة بس بصراحة انا لحد هذه اللحظة

مش عارفة هكتب فى ايه

انا عندى الايام دى نوع من انواع العشوائية فى التفكير بفكر فى كل حاجة واى حاجة سياسة دين اجتماع تربية شعر قصص كل حاجة وكمان

بقيت بكلم نفسى كتير جدا اوعى حد يقول عليا انى اتجنيت بس حالة كدة بتروح وبتيجى

يعنى مثلا بمناسبة عيد الحب سالت نفسى سؤال

هما ليه الناس بتحب؟

كنت الاجابة علشان تبقى سعيدة

سالت نفسى هو انتى ليه بتحبى حاجات معينة ........ .....كانت الاجابة عشان بحبها

طب هى بتسعدك ............. كانت الاجابة لا بالعكس بتعطلنى وبتألمنى

لاقيت نفسى دخلت في حوارات

هبلة قوى

طلعت منها انى الايام دى سبت معظم الحاجات اللى كنت بحبها بجد والله ولاقيت دموعى عايزة تنزل ...........

فكرت وقولت ..........لا شىء يستدعى البكاء

_____________

مش عارفة ليه يا جماعة بتجيلى لحظات كتير ببقى عايزة اعيط فيها

مش عارفة ليه وايه السب

يعنى مثلا يوم فوز مصر بكاس افريقيا ليل نمت معيطة

مجنونة آه انا عارفة .... تخيلوا لسبب تافه هو انى ما لاقتش صحابى واخواتى حواليّ

_________________

من ضمن التخاريف برضه

لاقيت نفسى بقول انا عايزة اقفل المدونة

ليه ؟

قولت كدة ؟

لانها مسئوليه وانا لسة مش قدهاا

بس قررت انى هحاول اكون قدها

بس شوية مجهود وشوية صبر

___________

احاسيس بتوحشنى

هقولكم بصراحة فى احاسيس بتوحشنى قوى الايام دى

زى احساس النجاح والانجاز والعطاء

واحساس التمكن من الشىء

يعنى نفسى اكون عارفة كل شىء عن شىء واحد

وكمان اكون عارفة شىء عن كل شىء

وكمان احساس الابداع واحشنى قوى نفسى احس انى عملت شىء جديد

احاسيس كتير اوى مش لازم اذكرها كلها

______________________

في حاجة كمان

لما سمعت موضوع الرسوم الدنماركية تانى

حسيت بضعف شديد

وانى نفسى اعمل حاجات كتييييييييييير

لكنى مش بايدى

بس يارب اقدر اعمل شىء

__________ولو بسيط

________

ده نوع من الفضفضة ما حضرتش ليها قبل ما اكتبها

لانى كنت عايزاها تكون صادقة من غير ترتيب

بجد ادعوللى اوى الايام دى

ان ربنا يرزقنى علما نافعا ورزقا طيبا وعملا متقبلا

الشمعة المضيئة

الشمعة المضيئة

يايتها الشمعة المضيئة ....اقتربى الى جارتك المطفئة المريضة

فما احوجها اليكِ والى انواركِ

فكونى لها نبراسا للهدى . وكونى لها بدرا .... واعطى لها املا ......

واتلى عليها ايات الله الهادية

واسردى لها سيرة حبيبك محمد

لتخرج من ظلمات اهوائها الى انوار الاسلام الباقية

واجعليها ترى فيكِ قدوة أبت الا ان تكون سلعة الله الغالية

ترى فيكِ الحياء والصفاء والخوف من عقاب الله الواحد

ترى فيكِ الايمان بكل ما هو منزل على محمد

تراكِ ايجابية مثقفة وحاملة لراية الاسلام العالية

تراكِ مثل حوراء الجنة بخمارها وحسن وضياء وجهها

اروي لها صورا من حياه نجوم الهداية التى نشات بجوار سيدنا محمد

فاطمة ورفيدة وخديجة وعائشة

واتركى لها الخيار فى التفرقة بين نجوم هذا العصر ونجوم عصر محمد

قولى لها ان نجوم هذا العصر ليس الا بريقا يلمع فوق سماء الفن التافه

قولى لها ان الحياه كالسفر اذا لم تتزود بزاد من التقى

ستبك وتندم على ما فرطت من جنب الله القاهر

واشددى على يديها واصطبرى عليها وادعى الله منك ان يتقبل

واعلمى ان الهداية تاتى من عنده

وليس للانسان الا ما سعى

ختاما

طوبى لكى يا عزيزتى اذا امسيت سببا فى نصر دين محمد

_________________

(قريبا مع الطبعة الثانية من هذه الخاطرة بعد تنقيحها وتشكيلها )