اللغة الكنزية الجديدة

اللغة الكنزية الجديدة

تتنوع اللغات الانسانية وتتطور عبر مرور الزمان . وقد تختلف اللهجات فى القطر الواحد

فنجد مثلا فى مصر لهجة صعيدية ولهجة اسكندرانية ولهجة شرقاوية

( لا تتعجب ان للشراقوة لهجة خاصة بيهم يعنى لو سمعت حد بيقول ( مش )

اكتر من خمسين مرة فى الساعة اعرف على طول انه شرقاوى متأصل

وكمان فى لغة بور سعيدية ولغة كفر شيخية وهكذا ...........

...........................................................

ولكنك عزيزى القارىء هل سمعت مسبقا عن اللغة الكنزية الجديدة ؟ !!!!!!!!!!!!!!!!!

بالطبع لا !!!!!!!!!!!!!!!!!!!!!!!!

فهذه اللغة انا بلا فخر المكتشف الاول لها ....... اعوذ بالله من كلمة انا

يرجع اسم اللغة الى

(

بنوتة صغنونة مقطأطة ملبسة مظأتطة مهندمة معسلة

تسمى كنزى

بنوتة اختى

تبلغ كنزى من العمر 3 سنوات الا 3 شهور

اما عن لغتها الجديدة فهى لغة وليدة تتكون من نص حروف اللغة العربية

وتتجاهل الكثير من الحروف ك ......

ق _ك _ س_ ن_ ف_ د_

فهى لا تعترف بهذه الحروف ابدا

........................................

سأعطى لكم بعض كلمات هذه اللغة والمعنى المرادف لها فى العربية

ثم بع ذلك سأعطى لك تدريب بسيط لاختبر مدى المامكم السريع بهذه اللغة

خالتو .................. اتو

نسمة .................. نمة

كمبيوتر .................... اوتر

مكعبات ................. بات

كراسة ................. اسة

قلم ..................... أأم

افتح .................. اتح

عايزة ................. ازة

حدوتة .................. اوتة

الشاطر حسن ................ اتر اتن

جوه ............. اوه

ايشارب .................... اب

الله اكبر ...................... الله ابر

اصلى .....................آلى

______________

التمرين الأول

مستنية الحل:

ترجم هذه الجمل

اتوه نمة ازة اتح اوتر

....................................

التمرين التانى

ازه آب بات

......................

التمرين الثالث

ازه اب ان آلى الله ابر

__________________

وكفاية عليكم كدة النهاردة

فانا اعلم جيدا انها لغة شديدة الصعوبة

وتظهر صعوبتها فى الالمام بمعانى المفردات

وانواع الاصوات وفهمها

فقد تحتار بعض الوقت

هل هذه اللغة مشتقة من اللغة الهندية

ام اليابانية ام العبرية الحديثة؟

فتكتشف فى االنهاية

انا كل منا فى هذا السن بالطبع كانت لديه لغة خاصة

لا يشاركه فيها احد

وهذا من قدرة الخالق سبحان الله

ان جعل كل منا نسيج وحده

حملة حماية

حملة حماية ........ ترجع لنا الأمل من جديد

http://www.amrkhaled.net/

الجزء التانى

الجزء التانى من موضوع

اطفال مصر يطلقون الصرخات

واطفال العرب يرتدون الاكفان

عن فلسطين يتحدثون

سألتهم؟؟؟؟؟؟؟؟؟؟؟؟؟؟

ايه رايكم فى اللى بيحصل فى فلسطين

من حصار وقتل للأطفال؟؟؟؟؟؟؟؟؟؟؟؟؟

ردوا جميعا بسؤال

شوفتى ياأبلة اغنية الضمير العربى؟

قولتلهم طبعا .............. انتم ايه رأيكم ؟

احمد رد وقال : انا بس مش عارف ازاى حسنى مبارك بعد كل اللى بيحصل ده بيجى مع بوش يضحك معاه

عادى خالص

غادة الفسطينية :

( زى ما تكون كانت مستنية منى السؤال ده )

قالت : بابا وماما فلسطنين

وبجد حرام اللى بيحصل ده,............... المفروض دول بشر لاز يعيشوا زى ما كلنا بنعيش

انا بجد بلوم نفسى ازاى انا عايشة باكل وبشرب وبنام وفى امان

وهما هناك الاطفال مش لاقين لقمة ياكلوها

فى ناس كتير ماتوا بسبب قلة الاكل وقطع الكهرباء عن المستشفيات

غادة بتكمل كلامها:

نفسى ارجع اعيش هناك معاهم

وحاكتلى على شوية قصص مؤلمة

منها : انا اخو مرات عمى كان رايح يجدد باسبوره راحت نزلة عليه قنبلة

وخلصت غادة كلامها

__________

احمد بيقول دوره ايه :

انا نفسى احارب واستشهد

انا حتى دايما بمثل فى اللبيت انى بقتل واحد اسرائيلى

نفسى البس قنبلة واقتل حد فيهم

كان ردى الطبيعى : مش اوى كدة يعنى

بصراحة وبين قوسين انا ما حبتشى اعلق على اى حاجة بيقولوها لانى كان نفسى اسمعهم وبس

__________________-

رانيا : هو احنا لما بيبقى عندنا حروب

مش هما بيساعدونا

لكن احنا ليه سايبينهم ومش بنعملهم حاجة

__________________

رغدة جت فى الاخر وشاركت فى الموضوع وقالت :

المفروض ندعيلهم ونصلى وكمان نساعدهم

غادة : المفروض نتعاطف معاهم ونحسسهم ان احنا اخواتهم

_________________

رانيا : نبعتلهم هدوم واكل وشرب ودواء

محمد صبحى : برضه جه فى الاخر وشارك : وقال :

نفسى احارب ونجاهد فى سبيل الحرية وكمان المفروض ندعيلهم

احمد دخل فى الموضوع وقال : معقولة اللى بيحص ده دول لما جم عندنا احنا غلينا عليهم الأسعار

المفروض نديهم الحاجات بفلوس قليلة

مش الضعف وحكالى على شوية قصص عن ناس عنهم فى المنطقة راحوا العريش مخصوص عشان يبيعوا البضاعة غاليه

_________________________________

فى نهاية الحديث

طبعا الفسحة كانت خلصت والحصة الخامسة بدأت وكمان قطعنا من الحصة ربع ساعة

واستاذ وليد مدرس الغة العربية قاعد مستنى حضرتى لما خلص عشان يبدأ الحصة

وقاللى كلمة غريبة شوية

انا والله ما كنت متخيل ان العيال دى هتقول الكلام ده كله

اتبسط من الكلمة دى وحسيت انى اقدرت الحمد لله اخليهم يقولوا رأيهم

وحمدت ربنا جدا انى قدرنى انى اعمل كدة

مفاجاة

انا النهاردة الحمد لله عرضت الحوار ده كله الجزء الاول والتانى على مجموعة من مدرسين المدرسة حوالى سبعة مدرسين ومدرسات

وذكرت المشاكل اللى التلاميذ بيعانوا منها

بس الحمد لله كان ردهم ايجابى حبتين وقعدوا يتناقشوا فيها

يعنى تقدروا تقولوا ان فى بصيص من الأمل بدأ يدخللى

ان التعليم فى مصر ممكن يتصلح مش بس بجهود الحكومة لا كمان بجهود الشعب كله

وجهودنا احنا المدرسين الجدد

اطفال العرب الى اين ؟؟؟؟؟؟؟؟؟؟

اطفال مصر يطلقون الصرخات .......

واطفال غزة يرتدون الأكفان

اطفال العرب الى اين ؟؟؟؟؟؟؟؟؟؟؟؟؟؟؟؟؟؟

حوار حى من داخل فصول احدى المدارس الأبتدائية

ابطال الحوار :

اطفال فى سادسة ابتدائى وهم

احمد عبد المنعم

محمد صبحى

غادة الفلسطينية

رانيا الكاتبة

شهيرة

________________

هدف الحوار

الجزء الاول

التعرف على مشاكلهم

والأستماع اليهم والى ارائهم المهمشة عادة من المجتمع المحيط بهم

الجزء التانى

التعرف على مدى وعيهم بالقضية الفلسطينية

_____________

سألتهم ؟

ايه رأيكم فى مستوى التعليم اللى بتتعلموه ؟

رانيا : لا التعليم اللى بنتعلمه مش حلو خالص

وبصراحة الاساتذة مش بيشرخوا كويس

غادة الفلسطينية : فى اساتذة كويس واساتذة ما عندهمش ضمير خالص

احمد : صحابى فى المدرسة مش كويسين خالص

انا بصراحة المدرسة علمتنى ازاى اشتم واقول الفاظ وحشة

______________________________

سألتهم؟

هل المدرسة بتهتم بمواهبكم وبالحاجات اللى بتحبوها ؟؟؟؟؟؟؟؟؟؟؟

احمد : لا دى حاجة مش موجودة خالص

انا مثلا بحب الكورة جدا لكن المدرسة مش بتنمى فيا الحتة دى خالص

انا حتى مستوايا قل خالص

غادة :ما حدش بيركز فى مواهبنا خالص .........وقعدت تتكلم كتير وقالت

انا مثلا بحب الف قصص لكن مش لاقية حد يقولى اعمل ايه

هى مش المفروض برضه المدرسة تعلمنا حاجات كتير وكدة

والمفروض المدرس يعرف مواهبنا وينميها

حتى الحصص بتاعة خدمة البيئة والموسيقى والفنية بناخدها فوضى ومش بنتعلم حاجة

مثلا من ساعة ما ددخلنا مش اخدنا غير اغنية الست دى امى

بصراحة

الناس هنا بتعمل لمصلحة المدرسة مش مصلحتنا

وكمان فى انانية فى التعامل

كل واحد بيحب نفسه وكمان كل واحد بيتكلم ويجيب فى سيرة التانى وما فيش حب بينا لان فى تفرقة فى التعامل بين الطلاب اولاد المدرسين واحنا العاديين

______________--

ايه رأيكم فى مصر او الزقازيق بتحبوها ؟

احمد : مش بحبها اوى

عشان دى قال حاجات كتير خاصة بالمنطقة والشارع اللى ساطن فيه

غادة : الزقازيق ما فيهاش امان

سالتها ازاى معقولة ؟؟؟؟ظ قالتلى عن اطفال الشوارع وازاى سايبنهم كدة

وكمان غلاء الاسعار

شهيرة : مش بحبها اوى

لان ما فيش اهتمام بينا

مثال : المسجد بتاع الستات عندنا مقفول طول السنة الا فى رمضان

حتى لما بنروح مش بيرضوا يدخلونا عشان صغيرين

ا

احمد : بصراحة فى ولاد كتير شوفتهم كانوا عايزين يعاكسوا البنات لكن انا خزرت البنات منهم

وحاجات تانية كتير

______________________

ده كان الجزء الأول

يمكن لما تقروا الحوار ده تحسوا ان ممكن تكون مشاكلهم مش كبيرة اوى

لكن

هى فعلا مشاكل كبيرة

يعنى لو اخدت كل حاجة هما قالوها وكل مشكلها بيعانوا منها

وحللناها

هنلاقى اننا بعد عشر سنين اذا لم نعالج هذه المشاكل

سيخرج لنا جيلا مهمشا سطحيا

محبطا

لانه كان يمتلك من القدرات والامكانيات ما كانت تؤهله ان يكون

شخصية مفيدة فى مجتمعه

ولكن قد غفل عنه مجتمعه

تخيلوا جيل نشأ على هذه المفاهيم

الواسطة .......زاولاد المدرسين هم الافضل

المادية ...........معاك فلوس تاخد دروس خصوصية مش معاك عنك ما فهمت

وما حدش هيفهمك

صادق يعنى عبيط ...........اكذب ونافق هتوصل بسرعة

التقليدية ........هتفكر وتبدع يبيقى انت بتتفظلك

عرفتوا اد ايه المشكلة كبيرة

______________

انتظروا ان شاء الله الجزء الثانى

الخاص بمشكلة فلسطين